لولا الغدر حرك طمع قلب ونفوس / ما مات قطز بسهم من سيف بيبرس
 

ياصـاحـبـي ماني من الغدر محروس
قلبي مـن طعون الخوي منترس ترس

يا كم رفيقن بـ الـغـدر حـاسني حوس
وثـبت مـثــل اجـبـال سـنـجار والرس

وقفت له بـعـزوم وصــمــود وهجوس
وغرست مجدي في تراب الفخر غرس

ماطحت من غـدره ولا صرت ملحوس
هرست جرحه في وسـط خافقي هرس

واللي يحـسبـنـي مـن الـغـدر مفروس
فعلي وصـيـتـي بالفـخر يخرسه خرس

في هـالـزمـان العـيب والغدر والسوس
في اهـل الردى والمكر والروم والفرس

واللي يــروس الـــــروس ويطيح الروس
اقـــرب رفــاقـــــه بـ الغدر يفرسه فرس

لـولا الغدر حـــرك طـمـع قلب ونفوس
ما مـات قـطـز بسهم مـن قوس بيبرس

صـــديـقـه اللي داس فيه الـعـدو دوس
ومـــن العدو في المعركه يحرسه حرس

خانه وخــان السـيـف والـرمـح والقوس
وفيه احــتــفــل ربعه تقل محفله عرس

طاح الجـمل واغشا الفرح راعي الموس
واقـبـل يـبـي ينـهـشـه بالناب والضرس

قصه مـضـت والـفـعـل باقـي ومغروس
في صـفـحـة الــتــاريـخ مـن دون فهرس

الـوقـت مـثـل الـمـدرســه يعطي دروس
ويـاحــــظ والله مــن تـعـلـم مـن الدرس

واخـر كـلامـي بـيـت مـاهـوب مدهوس
يـغنـيـك عـن ما قـيـل فـ أقـرأه واحترس

الــكــفـــؤ مـا يــشــرا ويــنــبــاع بافلوس
دور عـلـى مـرســــى معه بـ الـوفـا وارس

الشاعر بشير العتيبي

ياسلام عليك وصح السانك

واخـر كـلامـي بـيـت مـاهـوب مدهوس
يـغنـيـك عـن ما قـيـل فـ أقـرأه واحترس

الــكــفـــؤ مـا يــشــرا ويــنــبــاع بافلوس
دور عـلـى مـرســــى معه بـ الـوفـا وارس
ابيات توشحت بالحكمة جاءت في سلوب شعري مميز
لا هنت شاعرنا وبيض الله وجهك ودام العطاء
اجمل تحية

الشاعر بشير العتيبي
أبدعت وأمتعت
وصح لسآنك مليوون ولا يكفوون
ويعطيك العآآفيه على هالرآآئعه

صح لسانك ... يالامير ..

صح لسانك ولا هنت شاعرنا
نص راقي برقيك

الله الله
بشير العتيبي
صح لسانك واعتلا شانك
مبدع وجزل شاعرنا
مروري وتقديري
لاهنت

صح لسانك على هالرائعة شاعرنا
مبدع وجزل كعادتك
لاهنت

بشير
صح الله لسانك ملايين
ابدعت وامتعت شاعرنا المبدع والمتألق
دام الوجود والتميز
تقديري لسموك
النجلاء