للوله وسط الحشا صوت وزفير
 

ياهموم الـقــلــب والـجـرح الخطير
شــاعــر الـعــشــاق طــالــت حيرته

كيف ابا افرح واطرب الجمع الغفير
والألـــم للــقــلــب اخـذ تـأشـيـرتـه

الطرب مـعيـار هـوجــاس الـكـثـيـر
وهـاجـسي حـــزن الـمـحـبـه عيرته

ولا يـفـرج كـربـتي كـــود الـعـشـيـر
والـوصـل حــظــي فـــرض تاخيرته

ليت لـي جـنـحـان تـرفـعـني واطير
لـيـن دار اللـــــي يــجــمــل ديـرته

فـيـه مـنـه جـيــت داخــل مستجير
مــن عـــذاب الـشــوق راجي جيرته

يشـتعل في الـصـدر من بعده سعير
والـدمـع فـــي الـعـيـن مـن تـأثيرته

يا حــيــاة الـــــروح يـ الــبـدر المنير
يـ الــولــيــف اللــي كـريـمـه سيرته

يـ الـعـشـيـر اللي بـحبـك ما استخير
لك هـــوا قـلــبــي الــفـريـد وغيرته

شـاعـرك مــن طـاح في سجنك أسير
يـا مـنــى قــلـــبــي وبـلـسـم ضيرته

للولـه وســط الـحــشـا صــوت وزفير
ضــاق فـيـني الـكـون مــــن تـزفـيـرته

صــرت اقضي الليل في بـعـدك سهير
أنــكـــســـر قـلـبي بـــعـــد تـجـبـيـرته

بـ الـمـواصـل تـجــــبــر القلب الكسير
والـسـهــر بـ الـــــوصـــــل تلعن خيرته

الشاعر بشير العتيبي

الله الله
بشير العتيبي
صح لسانك واعتلا شانك
مبدع ورائع شاعرنا كما عهدناك
سجل اعجابي وتقديري
ولك اجمل تحيه

صح لسانك ؛،’ بشير
لاهنت يالامير

بشير
صح الله لسانك ملايين
ابدعت وامتعت كما تعودنا من سموك الابداع والامتاع وفخامة الحضور
دمت ودام مداد قلمك ورقي حرفك الشامخ
تقديري لسموك
النجلاء

صح لسانك مليون
نص رقي شاعرنا
يعطيك العافية ولا هنت

صح لسانك لين ترضى شاعرنا
مبدع وجزل كعادتك

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

صح لسانك يابشير على النص الرائع ولاهنت