مرحبا مرحبا بالغايب اللي تمادا = في غيابه وانا باحاسبه في غيابه
كل نارن ليا شبت تعود رمادا = مار ذيب الوغي يذبح ليا عض نابه

البقا والغنايم جات من بعد عادا=وانت خابرك تسمر فوق صوت الربابه
حكمتك صح مير الوقت صبر وجلادا=والذيابه سلايلها تراها ذيابه

ليت علمك ليا قلته يعود وكادا = ولانا مع رجال العرف جابه بجابه
حكمتي واقعه فالوقت ولها شهادا = فرق بين الهوينه فرق بين الصلابه

لا تحط الفتيله حيد راس الزنادا=ثم تحرقك ما تنفعك عزوه ولابه
ياسفير تنّقل من بلاد لبلادا=انت مثل اللذي فالليل قلّب ثيابه

لو تحارب مريكا خبت يأحمد نجادا = وانتبه فالجزيره من فوارس عتابه
ابك انا صقر ولي ابك دارن هدادا = ياوعل لاتمشى وانت في وسط غابه

يالعتيبي ترانا شعب والامن سادا=انتبه للغشيم ان كان نثّر زهابه
انت نظرتك يمّ الخرج ولاّ الشدادا= تضفر ايّات منها قبل يثني ركابه

كل زرعن ياولد اسليم يلقى حصادا = مار من يزرع الصبخى حصاده عذابه
مدتك نصها تنشب لكم فالايادا = لاتمشى بواد الداب يقرصك دابه