طويت الخيام اللي لها ف الحشا عامين
 

تناحت ركايبهم سريعه ولا ادري وين
تناحو وصدري حافظً يا ملا سده
-
بكيت الفراق الين وسّم على الخدين
مياسيم فرقا تاخذ الحاله و تهده
-
رعى الله صدرً كل ما نامو السالين
كتومً على بلواه لو الزمن حده
-
الا يا العيون اللي بكيتي وهم مقفين
كفايه دموعتس ليه تبكين من مده
-
تقافو على درب الهنا شفتهم لاهين
و عيني تهامل في خفا الليل مشتده
-
نويت الرحيل و حالف انه ليوم الدين
ديارً لهم ماعاد ب قرب على حده
-
طويت الخيام اللي لها ف الحشا عامين
قويً على الفرقا وضاري على الصده

النايله

الله الله
ياسلام عليك وصح الله لسانك ملايين
ابدعتي وامتعتي شاعرتنازالمبدعه والرائعه
دمتي ودام مداد قلمك ورقي حرفك الفاخر
تقديري وتقييمي وختم التميز
النجلاء

صح لسانك واعتلا شانك
ابداع في ابداع
قواك الله,,,,

رائعة يالنايلة نص جميل
صح لسانتس ودام أبداعك

صح لسااااااااانك يالنايلة
دائما مبدعة في معانيك وحضورك
تحياتي لك ولابداعك

رعى الله صدرً كل ما نامو السالين
كتومً على بلواه لو الزمن حده

النايله
ابيات جزله وخلفها هامه شعريه
جزلة بكل امتياز
صح الله لسانك
تحيتي وتقديري