جوهــرة نجد..
 

جوهــرة نجد

اسهر ومسهرني هوى لين العود
طفلٍ حرم عيني لذيذ المناما
شكيت منه الحمر والبيض والسود
وشقرٍ على الخصر المعزل تواما
وعكشٍ تشرع بالحجاجين وورود
محاجرا تفضح رهيف اللثاما
وعنقٍ مرق عن لبة الترف ونهود
وخصرٍ هضيمٍ كن فيه الهياما
وردايفٍ منها فضا الثوب مشدود
ليا مشى تطوي السلب للحزاما
لا واه أنا مذبوح عمدٍ وجحود
يذاه ما بيني وبينك مداما
وحياة من في رادته هبت النود
انك جرحت اللي حنينه ارياما
ما حق يالطف الحشا حب وصدود
وعلام تسكت ما ترد السلاما
كانك تبي تبرير للحب وشهود
انظر بعينك في دموع تهاما
وحالٍ نحل من حبكم كنه ، العود
ونفسٍ تصوم بغير نية اصياما
لا يا حبيبي ويش حدك على الكود
ماانت بعمى وشلون عنى تعاما
ان كان منك العطف واللطف مفقود
ذبح المحب بغير ذنبٍ حراما
يا هاجري ما في اشرف الوصل منقود
عدني كما عود الولي لليتاما
بزيارة تطلق من الحزن ممهود
في قلبي اللي لك بوسطه مقاما
عليه تشهر سيف الألحاظ مجرود
وإليا تعطف لك علامك تساما
وش ذنبه إلا انه بالأتعاس موعود
في حبك اللي ما قضاله مرامه
وبيت القصيد اللي من القلب مشيود
حرام ما يزهاه غيرك وساما
وشعر الغزل تزهاه يا باشة الخود
يا فاضحٍ بالنور بدر التماما
لك الغلا يا جوهرة نجد يا نجود
حوريةٍ من حبها ما يلاما

الشاعر عبدالرحمن العطاوي
https://www.alsh3r.com/assets/imgs/2...poets/1638.png

اهداء للجوهرهـ

خيال مطير

صح لسانك ولسان عبد الرحمن العطاوي
طرح جميل وانتقاء اجمل

مروري وتقديري

ولك اجمل تحيه

صح لسان شاعرها
لا هنت خيال وتستاهل جوجو

قصيده رائعه وأبيات جميله
صح لسان شاعرها عبد الرحمن العطاوي
ويعطيك العافيه خيال
وتسلم ومشكور ع الاهداء
انت كريم وانا باستااهل
هههههه

وتستاهلين الطيب حبيبتي ملووكه

مشكورين ع المرور

خيال
يسلم ذوقك الراقي ياذوق
انتقاء جميل ورائع
تقديري لسموك
النجلاء

تقديري لســــــــــــــــــــــــــموكَ

مشكورهه أميرهه ~~~~~~~~~~^