ياغلام ما ينفع نديمك مديّحه
 

ياغلام ما ينفع نديمك مديّحه
ما ينفعه علمٍ على غير برهان

الهجرس المضهود نسمع ضبيحه
وحر الحرار يخوفه فرخ. عقبان

وانا سمعت من الوجيه الفليحه
وعندي خبر واعرف هدف كل ديقان

شاعر واجيد المفرده و القريحه
لا تحسب اني يوم صديت عجزان
.
الدلو بالجمه يميني تميحه
ما همني شخصٍ من المال فسقان
.
شاف السراب اللي كثيرٍ لميّحه
سراب لالٍ في هجير الضحى بان
.
السيف بالميدان يعطب جريحه
بالمعمعه ضد المعادين شامان
.
من كف شغمومٍ ينومس مليّحه
لا عودوا للميس في كل ميدان
.
والزند. مايوشي بليّا قديّحه
ما يقدح النيران من دون صوان
.
وصلّ الافاعي من تجاهل فحيحه
لا يامن الدرياق من ناب ثعبان
.
هذا واخذ مني لك الله نصيحه
النفس روضها على كل عرفان

نصيحةٍ من شايب الله يبيحه
يعرف عيال البوم من طبر حوران

عيد بجاد بن شده

الله الله
صح لسااااانك شاعرنا ولاهنت

صح الله بدنك من كل شر

أبيات جميله ورائعه
عيد بجاد
تسلم على طرحك الجميل
شكراً لك

صح لسانك ولا هنت شاعرنا
يعطيك العافية

صح لسانك شاعرنا القدير ولاهنت

الله الله
عيد بن شده
صح لسانك واعتلا شانك
نص جميل ورائع شاعرنا
مروري وتقديري
لاهنت

الشاعر عيد بن شده
صح لسآنك مليون
ويعطيك العافيه
على هالرائعه