أظلم الليل والمسرا بروس الطوال=عادةٍ للمولع خلف شفه يسير

لا سترحتك عذاب ولا هتنيتك وصال=كل ما قلت زانت شوفتك تستذير

ليت حبك بقى في خانة الاحتمال=لا نهض له خفوق ولا دعا له بشير

كان حبك مطر ورحاب صدري رمال=من عيونك ظهر للكون فجرٍ منير

دورة الوقت دارت والليالي سجال=مرها مع حلاها في خباها خشير

حال حولي وحالي ما لحوله هلال=في سراديب دربٍ صاح فيه النذير

أعذب الوقت ودٍ في ظلال الحلال=وقشر الوقت جرحٍ من لسان العشير

ادري البوح قاتل والتجاهل خبال=لا غفا الحب في قلبك زفرتك سعير

اسقني صدق من اعتق بطون الدلال=وافرش الدرب لوداع المقفي حرير

‏