|
بندر سرور اشعل من التتن معمار
بندر سرور اشعل من التتن معمار
واسرج من الزلبات جملة مهارا شاعر وله في منهج الشعر مضمار وينحت على صم الصخر والحجارا يشمت زمانٍ عايشن فيه طرار ويبكي متيهت الضعن والعشارا لكن جاه الموت قصاف الاعمار يالله عساه من البلاوي مجارا واليوم جانا عالمٍ تنكر الكار اللي لهم رث المثايل شعارا ناس تراقب غرة الضيف والجار عفنين نذلينٍ. ضعوفٍ ثبارا مالي بهم مصلوح عساهم النار عسى عليهم يرملن الاعذارا الشوب ما يشبه عذيات الانهار والنظو مايشبه عيال الشهارا وانا مشيت البر مع كل صقار وتفاق نجالن يحفظ العيارا والنفس فيها من غثا البال قنطار ينتابها همٍ سوات القمارا والعين تسهر والمخاليق خدار كن النويفج داخل الجف سارا ازعجني اللي بالسواليف بيطار وعند اللوازم مثل فرخ الحبارا ذيب العلوم اللي مع الناس ثرثار حطاب ليل وناش دقنه غبارا #__عيد بجاد ابن شده |
اقتباس:
بندر بن سرور ما عاش طرار يا بو بجاد |
صح لسااانك شاعرنا
ودام ابداعك لاهنت |
صح السانك شاعرنا
ابيات جميلة بحق بناء ومعنى وتسلسل لها وقع جميل في من يقرأها بحق انت شاعر مميز اسعدني المرور من هنا طبت وطاب الشعر بوجودك اجمل تحية |
الله الله
عيد بن شده صح لسانك واعتلا شانك مبدع وجزل شاعرنا دمت بخير ولاهنت |
اقتباس:
اتوقع ان معنى البيت ان الوقت اللي عاش فيه بندر بن سرور الله يرحمه وقت مايعيش فيه غير الطرار واللي عنده عزت نفس يصعب عليه العيش ويموت جوع هذا حسب فهمي للبيت والشاعر اكيد له وجهة نظر |
||
صح لسانك شاعرنا مدد بلا عدد ولاهان منطوقك ع هذه الرائعة والمعنى واضح من بيت القصيد : ان ابن سرور يرفض ويشمت ب الزمن اللي يعيش فيه طرار لاهنت شاعرنا تقييمي + الختم |
الله يرحم بندر سرور ويغفر له
وصح لسانك شاعرنا ولاهنت يشمت زمانٍ عايشن فيه (.......) ويبكي متيهت الضعن والعشارا لو قلت يا بندر بن سرور ما عشت طرار ممكن مجرد وجهة نظر شاعرنا |
| الساعة الآن 09:15 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir