شبكة رواسي نجد الأدبية

http://www10.0zz0.com/2015/06/21/06/781939745.gif
انتصفنا

انتصفنا سهيل واوجسنا البراد = والليالي طايراتن مسرعه
والوكاد ان الشتاء اقبل وكاد= يا عسى الله يسوق امطاره معه
اجتهد من كانت احلامه بعاد=بينه وبين السعاده زوبعه
وكلها على الولي رب البلاد = نرفع الدعاء وربك يسمعه
لا يلام المرء بعــــــــد الاجتهــــاد =ومايواخذ من يمجـــــــــد مصنعــــــــه
ومستفاد اللي ورى عقله تضاد = من يعاني من تلازم امعه
انتها ذر المــــــــــــــدامع بالرماد=والحقيقه كل باطل تقمعه
والشعور اللي على المشاعر ســـــــاد=من يعلمني طـــــــريقه امنـــــــــــــعه
تجرتن بارت تعاني من كســـــاد=سعرها الدلال صاير يرفعه
والصحيح المســـاله صارت عــــناد=كلا يحاول يغذي مطمــــــــــــــــعه
يوم كان الحلم توه بالمهاد = اي هرجا صار عنهم مااسمعه
لين شفت بعيني احلامي تباد = بعد ما كانت ثمارا مينعه
ما حدا من تجرت الحب اســــتفاد= الا من ربك بحضا لمعه
ودام حال الوقت من دون المـــراد=كل حرفا ما نفع من يطبعـــــــــــــــه
والحبيب اللي عطى رب العباد=ما يساوون الخــــلايق اصبعــــــه
بيننا ما من تواصل او تــــــواد=غير حبا انتثر لي واجمـــــــــعه
لو تاخر يوم اعلنت الحــــــداد =وضاقت الدنيا علي وهي سعه
والشتاء بالبرد يا رفاقي عاد = يا عسى الله يجيب خيراته معه

http://up.hawahome.com/uploads/14761752963.png
مع اجمل تحيه
الرويلي
لقيت روحي