الضيقه اللي ماتجيني غير في يـوم الاحـد=ياشينها وان صادفت هجران من تشتاقلـه
اجتمعت البـارح عليّـه ياعساهـا ماتـرد=يا اهل العقول الراجحه نبغى الحلول العاجله
يامن خبر شخص ٍ يحب من المهد لين اللحد=واكبر مصيبه ودي بشوفه ولا هي حاصله
من يوم سافر شانت احوال البلد واهل البلد=راحت مزون الخير يمه تتبعـه واتخايلـه
وتحول الدمام جوه خيـر وبـروق ورعـد=كنها تردد مرحبا يا اغلى الضيوف النازلـه
طالبك امانه لاتطول واذكـر اذكـار الحسـد=وارجع ترا قلبي تعب ولا انت نفسك غافلـه
اصلك وطبعك ثم زينك وانحناءات الجسـد=تثبت بانك يالغلا مـن عقـب ربـي كاملـه
اقولك شي ؟؟وامانه لا تسولف عنـد احـد=عقلي يقول اقطع هواها واتركه واتجاهلـه
وش لك تعيش العمر كله هم وغبون ونكـد=طلق هواها بالثلاث وخل نفسـك صاملـه
ثم جاوب القلب بثلاث وجاك قلبي مجتهـد=كلي لها(تستاهلـه) (تستاهله)(تستاهلـه)