قصايدي يا غلام علطٍ جلايل
 

قصايدي يا غلام علطٍ جلايل
تشبه بنات الريح وتسابق الفيح

ويش الذي مشقيك دايم تخايل
وانته تقدم للعميل التفافيح

شواربك يا غلام صارت خصايل
يالباشق اللي بارعٍ بالتصافيح

بشتك على الامتان بالحيل مايل
وعقب الوزاء شاخت عيال الزنانيح

رجلٍ يسرك بالعلوم الجزايل
ورجلٍ مع الضيفان يا كل مفاطيح

ورجلٍ تعده من خيار الدلايل
باللازمه وقت المواجب زحزيح

ورجلٍ كما الهجرس بوسط الخمايل
يلاعب الزهران تحت المداويح

الفرق بين اهل الخناء والحمايل
جم الصباخي والمزون المراويح

والحنضله لو عرقها بالثمايل
حلو الثمد ما غير الطعم والريح

عيد بجاد بن شده

ورجلٍ تعده من خيار الدلايل
باللازمه وقت المواجب زحزيح


صح لسانك وبيض الله وجهك

الله الله
عيد بن شده
صح لسانك مليون شاعرنا
مبدع وجزل كما عهدناك
مروري وتقديري
ولك اجمل
تحيه

نص جميل بجمال حضورك
يعطيك العافية شاعرنا
ننتظر جديدك بشوق ..

صح لساانك شاعرنا على هالرائعة الفاخرة
ولاهنت
.

صح الله ابدانكم وطاب فالكم

شيخة الغيد صح بدنك