عزاه يا شات غدى اليوم فاضي=اليوم جيته ما به ايات مخلوق

يشبه بشاعه ممحلات الفياضي=يــــــا صار مافيها مباريك للنوق

صارو به الغالين بالامس ماضي =حل الضلام ودونهم برد وبروق

ما فرقتنــــــــــــــا ايامنا بالتراضي =تسوقنا الاقدار بالمعمه سوق

في واقعا للحب صار افتراضي=نمسي ونصبح مالنا اية حقوق

اختلافنا زي اختلاف المقاضي =متخالفه لو انها داخل السوق

قلبا عطوف وزايدا بالبياضي =وقلبا يحن وقلب خالي من الشوق

وقلبا تعبى من غرامه وفاضي =وقلبا موصل عبرته محجر الموق

وقلبا غرامه ما يعرف انخفاضي=بين الضماير صار يسلك له طروق

وانا تعبت من السهر والتغاضي =والصد كرته صار مهمل ومحروق

من اللي هواها دايما بانتفاضي=ماهو اثير لا مس القلب برفوق

يحكم لها بالصـــدر تسعين قاضي =حكما تخالط مع هوى الجور والبوق

كلا يقول اميرتك وانت راضــــــي =سلم لها قلب العنا وانت محقوق

ايام عدت واصبحت فعل ماضــي =واليوم لا سابق ولاني مســـبوق

لكن الضمير من الذي شفت هاضي=وسالت دموعا جفنها كان مغلوق

نركض ورى ماشي زمنا اركاضي =ولاهو صحيح ان كل مطرود ملحوق

ولا عندنا على الكريــــم اعتراضي=الحـــــمد للي بالسما معتلى فوق

المشاركة الأصلية كتبت بواسطة شاعرة نجد (المشاركة 529772) ما فرقتنــــــــــــــا ايامنا بالتراضي تسوقنا الاقدار بالمعمعه سوق ما فرقتنــــــــــــــا ايامنا بالتراضي تسوقنا الاقدار بالمعمعه سوق بيت عن معلقه ونص فااخر وابدااع وامتااع صح لسانك ,’’

المشاركة الأصلية كتبت بواسطة هزاع العاصمي (المشاركة 529773) صح كلك شاعرنا قصيدة توشحت بالروعة والإبداع قمة في البناء والتدرج تدخل القلب اخي الشاعر اسعدني المرور من هنا كل الشكر على جمال متصفحك انت بالفعل شاعر تستحق المتابعة سجل إعجابي ومتابعتي وبالتوفيق