حيل ربي على الدنيا قوي
 

دن دن المعلوق لحنً مع الليل العتيم
‏هيّض المشحون منّه ولا عندي خوي
‏.
‏الله اكبر كيف ذا الليل خلاني اهيم
‏اكتب القيفان لجله و سرحان يعوي
‏.
‏كل ما هبتّ هبوبه غدى حالي سقيم
‏يا هبوب العشق هيدي تراني منكوي
‏.
‏لا طرا لي دمعتي كنها دمعة يتيم
‏رحت اردد حيل ربي على الدنيا قوي
‏#النايله

يا سلام عليك ي النايلة
صح لسانك شاعرتنا و لله درك

صح السانك شاعرتنا
ابيات جميلة ومعبرة إلى حد كبير
اعجبتني في معانيها ومضمونها دمتي بخير

صح لسانك وبيض الله وجهك على اتحافك الجزل
لاعدمنا ابداعك شاعرتنا الراقيه
تحياتي

الله الله
صح لسانك مليون شاعرتنا
مبدعه وجزله كما عهدناك
سجلي اعجابي وتقديري
ولك اجمل تحيه

سلمت يمنآكـ على مآحملتهـ لنآ
ابيات عآلية بذوقهـا ,, رفيعة بشآنهـا
يعطيك العافية ولا تحرمينا جديدك

صح الله لسانك يالنايله
ابدعتي وامتعتي شاعرتنا الرائعه
دمتي ودام مداد قلمك ورقي حرفك
تقديري لسموك
النجلاء

صح لسانك وسلم منطوقك
نص جزل شاعرتنا
يعطيك العافيه