سجة خيال
 

http://www9.0zz0.com/2018/09/06/15/721498902.png
افكار
افكار
افكار
افكار
افكار


افكار راحت وانطوت صفحة افكار
وافكار عيت عن خيالي تروحي

حاولت الم اشتات فكري والاقدار
لكن جــــدار الصـمت زود جروحي

واخذت لي سجه تحاليل واخبار
اعيد رسم احداث وقتي بروحي

سجة خيالا كان لافا ومنــــدار
يبحث عن اللي ترســم اهات نوحي

لو قربها يشرى بدرهم ودينار
ما كانت الفرقا بوجهي تلوحي

لكنها صـــــــــدت وانا صرت منهار
وهدا جواد الشوق عقب الجموحي

وايقنت ان المساله كلها اعذار
واحترت وين القا رفيقا نصوحي

وقررت اني بالنهايه ابي اختار
اما الرحيل بصمت والا النزوحي

وحفظت سري في متاهات وانكار
لا عين شافت ولا اذن صوت توحي

كني اعيش بعالما كله اشرار
عجزت احصل لي رفيقا سموحي

يكفي عطيت من التنازل والايثار
والزين لا شافن بقربـــــــــــــه يروحي

لو كان لي عنده معزه ومقدار
ماهد بيده راس قمة طموحي

وخلاني اتخفي تقل يطلبن ثار
واسهر مع نجوما تسامر جروحي

من بعد ماني و العزايم والاصرار
ضاعت فرص امالي اللي تلوحي

وعرفت اني كنت محبط ومحتار
والصبر صعبا دام وقتي شحوحي

من كانت ايده قابضه جمرة النار
صعبا يعيش اجواء ضحك و مزوحي

بعض البشر يجذبك قافه والاشعار
وبعض البشر يجذبك من دون بوحي










مع خالص مودتي وتقديري

لقيت روحي

الله الله
لقيت روحي صح لسااانك مليووووون
ودام ابداعك
تقبل حضوري واعجابي
لاهنت

رحيل

كل التقدير والشكر علي حضورك السريع وكلماتك الرقيقه

واسعد الله مساءك بكل خير

ويعطيك ربي العافيه

لقيت روحي

الله الله
ياسلام عليك وصح الله لسانك مدد بلا عدد
ابدعت وامتعت ولاهنت شاعرنا
نص جزل ورائع
تقديري وتقييمي لسموك
النجلاء

الله الله
لقيت روحي
صح لسانك مليون
مبدع وجزل شاعرنا
مروري وتقديري
ولك اجمل تحيه
لاهنت

بعض البشر يجذبك قافه والاشعار
وبعض البشر يجذبك من دون بوحي

روووووووعه
صح لسآنك مليوون ولا يكفوون
ويعطيك العافيه على هالرآئعه

النجلاء

كل التقدير والشكر علي حضورك السريع وكلماتك الرقيقه

واسعد الله مساءك بكل خير وجمعه مباركه

ويعطيك ربي العافيه

لقيت روحي

محمد الغنامي

كل التقدير والشكر علي حضورك السريع وتشجيعك الرائع
واسعد الله مساءك بكل خير وجمعه مباركه

ويعطيك ربي العافيه

لقيت روحي