لي صاحبٍ كن القمر نور خده
 

لي صاحبٍ كن القمر نور خده
والعين حوراء كنها عين شيهان

من شاطي الدمام لا بحر جده
ماله شيبهٍ بين حضرٍ وبدوان

عنق الفريد اللي لخشفه يلدّه
بطن الاصيل اللي لفت غب الاكوان

هرجه بعد غربه وشطه ومده
يشبه شهد فيفا وحجا ورغدان

راع دليقٍ فوق ردفه يكدّه
ذيل اشقرٍ من ساس جده كحيلان

تله قطامي للمتلين ردّه
في ساعةٍ يذهل بها كل ديقان

لا غطرفت له عندليبٍ تعدّه
سترٍ لها والفعل جاء فيه برهان

في ساحة الميدان جزره ومدّه
يروي شباة الشلف والرمح والزان

عيد بجاد ابن شده

الله الله
صح لسانك شاعرنا
ولاهنت

الله الله
ياسلام عليك وصح الله لسانك مليون ولا يكفون
ابدعت وامتعت تحفه شعريه في قمة روعتها كما تعودنا من سموك دائمآ الجزاله والجمال في قصائدك
تقديري وتقييمي لسموك
النجلاء

الله الله
عيد بن شده
صح لسانك واعتلا شانك
مبدع وجزل كما عهدناك شاعرنا
سجل اعجابي وتقديري
ولك اجمل تحيه

السلام عليكم ورحمة الله وبركاته
مساء الخير

وصحت ابدانكم وطاب فالكم جميعاً

صح لسانك ويعطيك العافيه
نص جزل شاعرنا المبدع
تحياتي

صح لسانك ولا هنت شاعرنا
نص راقي برقيك
يعطيك العافية