بالدموع مغورقه
 

غطت عيون المخاليق في نومٍ عميق
وأمست عيوني وهي بالدموع مغورقه

غير نظم الشعر مالي ونيس ولا صديق
لا طفى الجوال سجلت شعري فورقه

حزن قلبي بحر هايج وله قاعٍ غميق
والأمل بي وسط موجه تعطل زورقه

‏‎خاطري لظروف الأيام عيا لا يطيق
نوب تشمل به هجوسه ونوب تشورقه

في بحور الضيق ما شاف قدامه مضيق
والعيون جفونها بالدموع محورقه

ما جداي إلا التمني عسا حظي يويق
والتغني في بيوتٍ ماهيب مسورقه
#سلمى

المشكا لله ابيات حزينة إلى حد كبير
صح السانك اسعدني المرور كل الشكر

صح لسانك ملايين
نص جزل ورائع
يعطيك العافيه

صح لسانك ويعطيك العافيه
نص جزل شاعرتنا
تحياتي

الله عليك
شاعرتنا سلمى
صح لسانك مليون
نص عذب وجزل لا ابعد الحدود
مروري وتقديري
يسبقه اعجابي

الله الله
ابداع شاعرتنا صح لسانك

صح لسانك وبيض الله وجهك على اتحافك الجزل
لاعدمنا ابداعك شاعرتنا
تحياتي

صح الله لسانك شاعرتنا الراقيه
ابدعتي وامتعتي
دمتي ودام مداد حرفك الفاخر
تقديري لسموك
النجلاء