ياوجودي وجد مقطوعاً وضامي=كل ماشاف السحاب استبشربها

والسحاب بلا مزن والقلب دامي=له ثمان ايـــام قـطـره مـا شـربها

مـن هـنـوفٍ مـالـهـا بين الانامي=من يـجـاريها بـحـلاهـا وبـ نسبها

الـقــمــر لا شــافــهــا قفا ونامي=والمنيه فـي العـيون وفي هدبها

الـعـيـون اتشـابـه الحـر القطامي=والشعر مـن طولـه ايوصـل ركبها

والقمر نوره علـى الـخدين سامي=والشمس مـن خلقة الغيره لهبها

ريـم لـكـن مـا قـنـصـها كل رامي=كود من بالطيب والطاله صحبها

شـاعـراً يرقا عـلـى هـام السنامي=عـنـتـرة ربعه وهـــي عبلة عربها

اسـمـها غـطـا عـلـى كل الاسامي=بنـت شـيـخٍ حظ والله من كسبها

شيخ له بـيـن العرب قدر ومقامي=من قبيـلـه يـرعـب العالم غضبها

جـاره وضـيفـه يعيشون بـ سلامي=والخصوم اليا رفــع سيـفه عطبها

كاسب النوماس زيـــزوم الصدامي=والـخـلايـق تـلتجي لـه في نـشـبها

والعـنـق عـنـق الـغـزال ولا ملامي=في قـصيده هاجس الروقي سكبها

لا يـمـي يا لـيــت ما ينشد علامي=ودي امـدح نــور عـيـني وأفخر بها

كيف ما افخر في هوا بنت الكرامي=واحمد اللـــي لي بلا موعد وهبها

كامله والـكـامـلاً محـيـي العظامي=فـي حـلاها فـي وفاها في حسبها

والله انها فـــايــقــة بـدر الـتـمـامي=بـ الـحـلا والـزيــن لا مـحـدن غلبها

ازعجوها اهـل الـمـحــبـه والغرامي=كــل مـن يـسـمـع بها قـام وخطبها

مـيـر خاب اللــي يبا يـاخـذ مـرامي=دونـها اللـي للـمـعـاصـي ما طلبها

احـتـمـيــهـا مـثـل فـرسان الـزحامي=ربـعـي اللــي كــل فــارس ما نهبها

الـوسـم لــذود قـبـل السـيـف حامي=ترتعي عـشــب الـعـرب محدن قربها

دونـهـا للـحــرب مــتــوشـح حسامي=واطـرد اللـي كـل مـا جـا قــال سبها

يشهد الخـالــق عـلـى صدق الكلامي=والـفـعـال اللـــي لنا الـمـاضي كتبها

كـنـت اذم الـحــظ والـعـن كـل عامي=لين شــفــت الـحـظ يـمـي حـول بها

كنت لـكن صرت مـن بـعـد الحطامي=بـ الـســعـاده والـسعـاده مـــن سببها

لـجـلـهـا سـويـت فــي اديـار الهيامي=لـي مـديـنـه بـ الـحـلا فـاقـة على ابها

‏