|
يقول من حده على بدع الابيات *** شيءٍ بجوفه ما يكل و يملي
السلام عليكم ورحمة الله
ابيات لتجديد التواصل
يقول من حده على بدع الابيات =شيءٍ بجوفه ما يكل و يملي ينهش خفاه وينهش القلب بسكات=كنه جرادٍ بالمزارع مفلي ولا وهج نارٍ من الجوف تقتات=عيت تخلي داخل العوج ملي من كلمةٍ صبت على الكبد لوعات =من قوها ضيق التنفس حصلي كابدت انا اللوعه وكابدت ضيقات=وشيءٍ لقيته بين الاضلاع حلي مايقلعه قولة علامك سلامات =ولا يقلعه كثر الطرب والتسلي ماغير اردد ياعساها دعابات =ولا عساها زلةٍ ماتعلي مثل الجواد يزل في بعض الاوقات =ويصحح الخطوه بعد ما يزلي امني الروح العليله بكلمات = خوفٍ عليها من بلاها تولي وسلامتكم |
وعليكم السلام
وانت سالم شاعرنا وصح لسانك واكثر ولاهنت |
سلمت
صح لسانك ولا هنت نص جميل وراقي يعطيك العافية |
ريم صح بدنك ويامرحبا تراحيب المطر ولاهنتي شاعرتنا
ملكه صح بدنك ولاهنتي على التواجد العطر |
الله الله
حمد الحربي صح لسانك واعتلا شانك مبدع وجزل كالعاده شاعرنا سجل اعجابي وتقديري يسبقه ختم التميز ولك اجمل تحيه |
صح لسانك ياحمد
مبدع |
اقتباس:
تواجدك بحد ذاته ختم الشرف والاشاده كل الود والتقدير ي الامير |
اقتباس:
شرفتني واسعدتني كثيير بهالتواجد العطر بيض الله وجهك ولاهنت يالامير |
| الساعة الآن 03:41 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir