لا تحيزم بالضعيف من الحبالي
 

لا تحيزم بالضعيف من الحبالي
ينقطع بك بالقليب العيلميه

الرجال محوص وحصونن طرالي
والردي شرواه سلك السمسميه

ما يسرك بالذراع وبالجدالي
يشبه الاكديش مع بنت العبيه

كلمته هزله اليا جا لك مجالي
ينكر المعروف ملعون السجيه

هندريسٍ باللوازم ما يبالي
ما طبخ دمه وراسه بالحميه

اتركه عسى الحليله والعيالي
يقسمون الورث والنيه مطيه

لا تناقش خبل وتشوف الخبالي
عادة الرديان غايتها رديه

ما تميز بالهضاب من الجبالي
ولا تعرف المعمعه والعنجهيه

احتزم بالقرم في شهب الليالي
بالنوايب والضروف العائليه

الجمل ديقان شيال الثقالي
ينقل الحمل الثقيل مع السريه

عيد بجاد بن شده

الله الله
عيد بن شده
صح لسانك مليون يالجزل
مبدع وشهادتي فيك مجروحه
سجل اعجابي وتقديري
ولك اجمل تحيه

الله الله
صح لسانك ودام ابداعك شاعرنا
لاهنت

ابن شده
صح الله لسانك مدد بلا عدد
ابدعت وامتعت ولاهنت شاعرنا
دمت ودام مداد قلمك ورقي حرفك الشامخ
تقديري لسموك
النجلاء

ابدعت شاعرنا صح منطوقك
يعطيك العافية لا هنت

صحت ابدانكم
وطاب مسأكم بكل خير

صح لسانك