يا تجينيً وانت ميت في غرامي والا / شف طريقاً للفراق وحب واحد غيري 😉
 

يا عشيري مــا يـحـب القلب من يتغلا
بالتغلي ما تـــذوق مــن المحبه خيري

يا تجيني وانـت مـيت فـي غـرامي والا
شف طـريـقٍ للفراق وحـب واحد غيري

يا وليفي فــي حـيـاتـي ما قبلت بـ ذلا
وعن سلوم جدودي اللي مابها تقصيري

مـانـي مـحـيـد وانـا رجـل بـ كرَّمه اتعلا
ولدخيل اليا زهــم فـيـنـي ولاذ مجيري

من سما قلبي سحاب العشق فوقك هلا
وفي شـرايـيـنـي تفوح من المحبه بيري

لـيـن شـفـتـك بـ التـغـلي والجـفـى تتبلا
وقمت تطعني وانا ماجاك مـنـي ضيري

بـعـدهـا وجـهـة لك بـيـتـيـن وانـت اتولا
حكم عـشـره ما يـوفـي وصفها تصويري

كان تبغاني حـبـيـبـك شـف لوضعك حلا
غيـر اسلـوبـك قـبـل طـيـر الغرام يطيري

وكـان قـصـدك بـ المـشاعر والغلا تتسلى
حسبي اللــي عـالـمٍ سـري وراسم سيري

والـجـفـى اللـي ترسمه في نظرتك ما بلا
مـن سـجـون الحب كنه يسرع بـ تحريري

وإن رحـلــت ازرع لك دروب الـمـفـارق فلا
واطوي الصفحه مع الماضي وأواصل سيري

مـانـي مـدور عـــن اللـي فـي حياتي ولا
دام غــيـره مثله بـ كـــــل الصفات مثيري

ومـانـي أول مــــن حبيبه عـن غـلاه اتخلا
قبلي اللي كسره حــــــزن الجفى تكسيري
مير دام الصبر
الشاعر بشير العتيبي

الشاعر بشير العتيبي

قصيده جزله وابيات رآئعه

صح لسآنك مليون ولا يكفون

ويعطيك العآفيه على هالرآئعه

ملاحظه بسيطه

البيت الاخير لم يكتمل
يمكن سقط سهوا

صح لسانك مليون ولا يكفون
لا هنت شاعرنا نص راقي برقيك

يعطيك العافية

صح الله لسانك يالعتيبي ولا فض فوك شاعر جزل والقصيده جزله
لاهنت وبيض الله وجهك

الله الله
الشاعر بشير
صح لسانك لين ترضى على هالدرة الجميلة
ولاهنت

بشير العتيبي
صح الله لسانك ملايين شاعرنا
مبدع وجزل وشهادتي فيك محروحه
دمت ودام مداد قلمك ورقي حرفك الفاخر
تقديري وتقييمي لسموك
النجلاء

بشير العتيبي
صح لسانك واعتلا شانك
مبدع وجزل كما عهدناك شاعرنا
سجل اعجابي وتقديري
ولك اجمل تحيه