يأهل الهجوس اللاذعه والدعايات
 

يأهل الهجوس اللاذعه والدعايات
نوٍ تحدر مايسيل هميله

اهجوسكم فيها غرور وغريبات
عقيلةٍ ياشينها من عقيله

مالي ومال اشعاركم والبروفات
النفس من بعض المثايل عليله

مليت من شعر النبط بالقروبات
البيت يكسر والمعاني هزيله

يكفي زمانٍ فات سجيت سجات
وحفظت كل الفاتحه والنفيله

ياما تعب زندي على فايتٍ فات
وياما لعبت من البيوت الجزيله

واليوم خليت المعاني والابيات
وادعت جزلات البيوت الثقيله

ماعاد لي في نايد الشرد نظرات
الرجل فكره ياجماعه دليله

لو لمعوا بعض القصص بالفلاشات
ماهيضت فكر العميل وعميله

الشاعر عيد بجاد بن شده

صح لسانك
يالامير , ابيات جزلةة
من جزل
وابوك من .. قبلك

تحياتي لشخصك

خيال

لاهنت اخوي الفاضل وصح الله بدنك

قصيده جزله وابيات رائعه

صح لسآنك مليووون

ويعطيك العافيه على هالرائعه

الله الله
رائعه
صح لسااانك مليوووووووون

صباح الخير للجميع
وصحت ابدانكم

صح لسانك ولا هنت شاعرنا
نص راقي برقيك

صح بدنك يا ملكة رواسي