من لايودك ياملأ لاتوده
 

من لايودك ياملأ لاتوده
اصبر على هجره وبعده وفرقاه

لوكان جدك يا ابيض الوجه جده
خله يولي جعل بقعاء تلاقاه

لاصار بالدنيا قطيعه وصده
بالاخره ماقدم العبد يلقاه

والرزق عند اللي فلق بحر جده
الواحد اللي كل خلقه ترجاه

واحذر من اللي للبشر باح سده
لا تجرحه مع كبر همه وبلواه

مالك ومال العالم المستبده
الرجل يعرف قيس ثوبه بيمناه

كلٍ يعرف من ابيض الخام قده
الا الكفن والقبر غيرك تولاّه

عيد بجاد بن شده

الله الله
عيد بن شده
صح لسانك واعتلا شانك
مبدع وشهادتي فيك مجروحه
سجل اعجابي وتقديري
ولك اجمل تحيه

الله الله
صح لسانك لين ترضى

صح لسانكـ يابن شده
قصيده جزله ولاهي غريبه عليكـ

الله يمسيكم بالخير
وصحت ابدانكم جميعاً

صح لسانك ولا هنت شاعرنا
نص راقي يعطيك العافية

يا صباح الخير والعافيه
وصح الله بدنك من كل شر

صح لسانك يالجزل
نص جزل وجميل
يعطيك الف عافيه