مع الوقت جروحنا
 

ليش الحزن ياروحي ترا حزنك يعذبني
انا مالي غيرك بهالدنيا وانت اللي صفالي
رحلت مع الجرح ولا لقيت اللي يداويني
ما عاد تهمني لو طالت مشاوير ترحالي
دخيلك ارفق بحال الجروح الميته فيني
اخاف تحيي جروح الوقت اللي به مضالي
صحيح صغارٍ على الحزن وقسى سنيني
قهر والله هالدنيا كيف تقوى على امثالي
تجرعت صبر المواجع وكل مابه تسقيني
شربت المر فيها وغيري لطعمه الحالي
عشت الوجع ولا لقيت من اللي يواسيني
وحيداً عشت ادور فرح الجروح ولا جالي
انا اصلاً لبست الهم والشقى عناويني
ولا عاد تفرق معي لو سريت الليل لحالي
رضيت بالحزن والدمع ذبحته وسط عيني
ماهو برضاي يوم الحظ عيا يزين ويصفالي
لك الله وش يفيد الحزن والذكرى تشقيني
دخليك امسح دموعي لو سيلها متوالي
مع الوقت جروحنا تذبل ولو طالت سنيني
يمر العمر وبضمده واضمه لو بي طالي

#صادق الحرف

صح لسانك ولا هنت ياسعود
نص راقي برقي حضورك
يعطيك العافية

صح لسانكـ يا الوافي
ودام حضوركـ يالامير

بوح جميل جدا لاهنت ياسعود وبيض الله وجهك
تحياتي

الوافي
صح لسانك مليووووووووووووووون
ودام ابداعك وحضورك الراقي

صح لسآنك الوآفي

ويعطيك العآفيه على هالرآئعه

الوافي
صح بوحك
احساس جميل وعذب
سلمت ودمت