|
تعبت أغني على وصلك مواويلي ..؟
صباحكم / مسائكم ورد وقصيد . تعبت أغني على وصلك مواويلي وأناالبحر تحت رجلي والسماء فوقي لازلت أجدّف عليك ولا فتر حيلي لو ينخنق دمي الولهان بعروقي حنّي علي من دفا صوتك وغني لي فيما يكفكف دموع الشوق عن موقي ياويل قلبي على وصلك وياويلي إلى انعزل جسمك التحتي عن الفوقي يامن غلاك انرسم بأصغر تفاصيلي فُوقي وربي تعبت من الوله فُوقي لولاك ماشافت الدنيا قناديلي ولا دخلت القلوب البيض بطروقي ضوّي لي المعتم من الدرب ضوّي لي قبل تموت الصحاري من عطش نوقي أنا ولاأدري وش اللي عاد باقي لي من قصة غروبي المجنون لشروقي لكن أمانة قبل مآآغيب قولي لي وشلون أعيش الحياة بذوق مو ذوقي! كل الود |
رائعه ي احمد صح لسانك واكثر ولاهنت
|
صح لسانك إلى مالا نهايه
|
صباحك / ومسائك
وووورد وريحان . ومسك ,وأعذب ألألحان صح لســـــــــــــــــــــانك يالامير . |
لكن أمانة قبل مآآغيب قولي لي
وشلون أعيش الحياة بذوق مو ذوقي! احمد العوفي صح الله لسانك على هالنص الجزل تحيتي وتقديري |
الله الله
احمد العوفي صح لسانك مليون يالجزل نص عذب واكثر شاعرنا سجل اعجابي وتقديري ولك اجمل تحيه |
العوفي
صح الله لسانك مدد بلا عدد ابدعت وامتعت كما تعودنا من سموك الابداع والامتاع والحضور المميز دمت ودام مداد قلمك ورقي حرفك الشامخ تقديري لك النجلاء |
صح لسانك ولا هنت
نص جميل وراقي يعطيك العافية |
| الساعة الآن 11:06 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir