نـطـلـع ونـنــزل للـسـمـاء فــــي دقـيـقــه=نسامـر القـمـرا ونضـحـك مــع سهـيـل
الـعـلــم يـاالــجــدي الـمـسـمــى حـقـيـقــه=بيـن السمـاء والارض جــزل التماثـيـل
الـجــو صــــا فــــي و الـمـشـاعـر رقـيـقــه=مالت غصون الشوق من دون تقبيل

ذا نايف الناجي يسامر صديقه=شعرٍ ينومس شاعره يااهل القيل
عذب الفرايد صاغها في طريقه=فصل بها شعره ومعناه تفصيل
مشتاق والمشتاق صدره حريقه=لامالت غصون الهوى قلبه يميل
مبدع وصخر الشارده مايعيقه=يفرض ابداعه فرض على الحلاحيل

القاف ذيب وكل دربا يويقه=والشعر ميدانه صدور الرياجيل
والغيث يعرف يا نداء من بريقه=وانته مثل غيثا مزونه هماليل
كلي شرف ياهل السلوم العريقه=وشعري لشروكم يسوق الفناجيل
فنجال كيف وكل قرما يليقه=ويليق بيدين القروم الحلاحيل
وكلا بليل الشعر سامر عشيقه=تسريبه الشاعر هبوب المخاييل
ولو كل شاعر بالهواء بل ريقه=ما جا بو الشعار حلو التمثايل