|
سر يا قلم بالحرف
سر يا قلم بالحرف فوق القراطيس= من ما حواه البال يمشي بطوعي يشدا الزهر ليا فاح في روض ما عيس=كود الجوازي ساكناته رتوعي مهداة للاجواد اهل النواميس=راس الشوامخ معتلينه طلوعي هل المعاني متعبين المحاميس=يوم انها في وقت خوفٍ وجوعي يا محلا شوف الحيا بالنسانيس=في خايعٍ ضافيه من كل نوعي تمشي مع الريضان وتغدي الهواجيس=ليا هبت الارياح ريحه يفوعي مع اشقرٍ قرناس كفوفه مفاريس=ليا درع بالجول حرٍ بتوعي ومع القمر في ليل نجومه مداليس=طاب السهر في وقت جلسة ربوعي الشاعر عوض الرويلي ( عاشق الحماد). |
الله الله
صح لساااااااانك لين ترضى على هالرائعة |
صح لسانك ولا هنت شاعرنا
نص راقي يعطيك العافية |
ياهلا والله يالرويلي
عودا حميدا واخر الغيبات ان شاء الله وصح الله لسانك مدد بلا عدد على هالرائعه ابدعت وامتعت كما تعودنا من سموك الابداع والامتاع والحضور المميز دمت ودام مداد قلمك ورقي حرفك تقديري وتقييمي لسموك النجلاء |
الله الله
عوض الرويلي صح لسانك واعتلا شانك جزل ومبدع كالعاده شاعرنا سجل اعجابي وتقديري ولك اجمل تحيه |
صح لسانك يـ الشاعر
ولاهنت على هـ الدره الفاخره والابدااع تقديري,’’ |
| الساعة الآن 11:46 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir