في واد ابن عواد والحزب في واد=ماشدته له نخوةٍ عاصفيه
ياشيب عيني من قصيد ابن عواد=تحيي مواتٍ له كذا عام فيه
صوادر همومي لها امسن وراد=من الوجد روحي قبل ماهي صريه
وش عاد لوتنهت الصدر وش عاد=مادام نار الشوق وسطه وريه
من شفتها ما سلهم الرمش لرقاد=والهجس جابه للقوافي شهيه
لابوك وتس ولاابو ابو ذاك الاي باد=هات القوافي للرواسي هديه
لعل من هو قد نسا شي ينعاد=ويونس لظا شمسه بعد برد فيه
وترقيه شردها على روس الاشهاد=يمكن يطري لي سمي لسميه
ياما انتظرت بفارغ الصبر ميعاد=وياما مع قنوطي تعشمت جيه
وكم اختلقت العذر لاشك مافاد=تطنيشة المجمول صارت جليه
ياذا الحمام اللي على روس الاعواد=تفنن بالنوح صبح وعشيه
من نوحكن لانحت ابي دعم واسناد=حتى لو ان النوح بالشرع سيه
ياذيب لذياب الصدر بالعوا ناد=من عسعس اسمع به ذيابة طميه
وخل الزرايا والمناقيد تزداد=بلواي انا وياك ماهي خفيه
عن العشا بالربق حاديك حداد=وعنه تحدتني حظوظٍ رديه