أبيات من ذهب
 

الطيب دمعه والردى ضحكة حجاج
ونفسك قبل لا تلــــوم الأيــام لـمهـا

لو المراجــــــل طــــالــها كل هــراج
رخصــــت فعــــايلها وقلــت شيمها

الجهل غــــدراء ليل والحكمة سراج
والخلـق شــــــــاره والمنايـا سهمــها

والضيق سجن البال والسجة إفراج
وأن ضامتك خطو المقاريد . ضمها

لو الرجــال تقــــاس بالبشت والتاج
مانفرق شيــــوخ العرب من خدمها

ولو كل مــــن تــــارد بهقوتك هداج
ماشفت كبــــدٍ ناشفه مــــن وهمها

ناسٍ لزوم وجــــودها بــين الأفواج
وناسٍ يساوى بالتواجد ...! عدمها

وقت يهيــج ويصطفق مثــل الأمواج
نبـني الأمــانــي والظنــون تهدمها

من جــرب الحاجة عذر كل محتاج
نــاسٍ عطــاهــا الله ونــاسٍ حرمها

ماعاد يمدي والحكــــي دونه سياج
لــكن تهجــــــاء كلمــتي وأفتـهمـها

أما تجــي بحــراج وتــروح بحراج
وألا تــثـمـن جيــــتــك ،، وتحشمها

صح لسان شاعرها
ولا هنت محمد على نقلك الراقي
يعطيك الف عافية

محمد القحطاني
صح لسانك
وصح لسان شاعرها
نقل جميل ورائع
لاهنت

هلا وغلا ياملكة

الف الف الف شكر على المرور الرائع

هلا وغلا ياابو بندر

الف الف الف شكر على المرور الرائع

صح الله لسان شاعره
قصيده جزله ياليت وافيتني باسم الشاعر
وتسلم يمينك وذوقك ع النقل
تحياتي لك
النجلاء

هلا بك اخوي محمد

نورت بعد الغيبه

ومن طول الغيبات جاب الغنايم

ويعطيك العافيه على القصيده الجزله والرائعه

وتسلم يمينك ويسلم ذوقك الرآآآقي