|
عـوصمان
قم سوّ ياعصمان براد شاهي=واتركني إلحالي أهوجس دقايق الفكر عدّ ومنهل العد راهي=بيني وبينه ماحصل أي عايق قال المثل تحت السواهي دواهي=مثل على بعض الأصاحيب لايق والجاهل أللي عن هل الطيب ساهي=يركد قبل نرجع نفل الوثايق زلة خبل عدت ولكن إذا هي=تكررت يمكن تشب الحرايق عصمان ياعصمان لو كنت طاهي=لكنّ تكرم عن خبول وعلايق يازول أسمع للحقيقه وكاهي=دوك الحقايق كان تبغى الحقايق الخوه أللي تبتدي فالمقاهي=خوة تسالي دامه الجو رايق وأللي مع الأيام شد أنتباهي=الصدق نادر والخوي صار بايق |
اي يازول
هذا عصمان طلع لنا الدرر خله ليته والله كل يوم يصكك ببراد شاهي منور العوني صح لساااانك لين يذوب نسمي من ترديدهاا مروري وتقديري يالجزل |
صــــــــــــــــــح لساااااااااااااااااااانك على هذه الراوائع
الله يعطيك العافيه تقبل تحياتي |
منور العوني ياهلا والله بالشعر وراعيه
الخـوه أللـي تبتـدي فالمقاهـي = خوة تسالـي دامـه الجـو رايـق وأللي مـع الأيـام شـد أنتباهـي = الصدق نادر والخوي صـار بايـق ياسلام ياسلام صح كلك وجعل الشعر مايملك ودام هالوهج الشعري بكل خير وموده |
الخـوه أللـي تبتـدي فالمقاهـي
خوة تسالـي دامـه الجـو رايـق الله .. الله .. الله ما أصدق هذا البيت يا منور !! أحسنت أخي العزيز/منور العوني أحسن الله إليك شكرا لك سيدي الكريم على هذه الدرة الرائعة جدا صح لسانك ، وبيض الله وجهك ، ولا فض الله فاك دمت بسلام وسعادة وحب وألق أيها الأخ العزيز |
منور العوني صح لسانك رائع في طرحك زي ماقلت:
الخوة أللي تبتدي فالمقاهي=خوة تسالي دامه الجو رايق صح لساانك وعلا شاانك ياجزل لك ودي وأحتراماتي |
وأللي مـع الأيـام شـد أنتباهـي الصدق نادر والخوي صـار بايـق ....أخي منور...كأني بك الان تُقِرُّ أن الخل الوفي..أحد مستحيلات الدنيا الثلاثه...! ....وأبشرك بأن الخير باقٍ في هذه الأمة ...بقاء الشمس نهارا في كبد السماء! .........اقف احتراما لابداعك ....دمت شاعرا ألِقاً... اختك...المهره... |
صح لسانك وتسلم يداك
وبيض الله وجهك تحياتي لك خيك خالد ابن هجيره |
| الساعة الآن 06:43 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir