|
موت القلوب
من الإرشيف الا يارب انا وش لي من الجرم الذي باقدار مكتوبه على دربي أردِّد من رداة الحال كل ساعه دعاي و أنثر الآهات مكتوبه غدا ذاك الشعــر نجم ٍ و هم ٍ للعيــون وللظّلـوع اللي بها يَربي تشابه كل مقصود القصايد والقصيد اليوم وده ينتزع ثوبه و لا شي استوى للي على ظلم الليالي حــاز يا ليل ٍ تبي حربي تَلوَّن بالنظر مضمون ضيمي وان هنيت العيش لحظه ... غير محسوبه سنا شمس الفرج لا خط بَاشْفَاق المعنَّى زاد نوح الورق من كربي رجت هـالنـاس فتَّاح ٍ عليم ٍ رازق ٍ بالجـود و الأقدار محجوبه أتاجر في جروح القلب من زود الذي شاريه من جرح ٍ غثا شربي و اسوِّق للسياده عبد مملوك ٍ و هو سلطان زاح الغي موهوبه أبـ انــدم كثر ما ينـدم ابو جَهْل ٍ على الإســراف يوم يندِّمه ربي وابـ اجعل هالنهايه لي بدايه و اسبق الأحداث و اعطي الرب مطلوبه يفك الله غي القلب ويرحمني قبل ما هي النصايب تفرح بقربي على قبر المولَّع ما هقيت يهزها وجد ٍ تحدَّر و اِهيَ منصوبه سوالف ما يجي منها سوى موت القلوب و كل صدر ٍ به غلا تَربي تقول ابعد و باكر يوم حشر الخلق نتلاقى .. مهي بعقول مسلوبه !!!!؟؟؟؟ |
صح لسانك
يابو محمد وبيض الله وجهك خيال ~ |
سلمت و دمت اخوي المستشار لك فائق ودي و احترامي |
الله الله
ياسلام عليك وصح الله لسانك ملايين شاعرنا ابدعت وامتعت كما تعودنا من سموك جزاله غير مستغربه دمت ودام مداد قلمك ورقي حرفك الفاخر تقديري وتقييمي النجلاء |
صح لسانك ملايين
ابيات رائعه وجزله لاهنت يعطيك العافيه تقديري لك واحترامي |
صح لسانك ويعطيك العافيه
نص جزل شاعرنا تحياتي |
عبد الله الصقري
صح لسانك مليون شاعرنا مبدع ورائع كالعاده سجل اعجابي وتقديري |
الشاعر عبد الله الصقري
صح لسآنك مليووون ولا يسدون ويعطيك العافيه على هالرآآآئعه |
| الساعة الآن 09:52 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir