|
هتَّان الجفا ( من الإرشيف)
بعض الحكي مثل نجمـه للنظـر تلهي أخَـذت منهــا بـ ظلمـاتي مقــابـيـسي والبعض غيمه بَعَد هَلَّ المطـر تجهي و لا وصل ظـلَّــهــا لأدنى تضــاريـسي يا سائل ٍعن هواجيـس الخفـا وشهي تعـال و بـعـيـنـك تنــاظـر هواجـيسي تـعــال خَـلَّ القـلـوب الفاطنــه تسهي في رحلــةٍ دربهــا يشهــد بتـدريـسي أقول فيهــا ترى بعض الصفـا مدهي و الريـح ماهي مثل هَبَّ النّسـانـيـسي حتى و لو كـان هـتَّــان الجفــا يزهي مـا ينبت بـ قلب ٍ مْخـاوي له ابليــسي الـهـمّ لـو طـاوَعَــه خفَّـاقي الـمَنهـي عيون شعري على نبضـه جواسـيسي أنـا عليك بـ شـواهـيــد الوفــا مرهي دنيت و غْـصــوني الورفـا أحـاسيسي جَلَبْت من مــرِّي المطعوم لك مشهي و ضـآعَت بـ غـبَّـة بحـورك مقـاييسي ما طلت نجم ٍ لـ عين المعرفــه ملهي و الله و طَـفَّـت مقــابيسي وسـاويسي |
الله عليك شاعرنا الكريم
ابداااااع صح لسانك ملايييييين |
لله درك شاعرنا
عبد الله الصقري صح لسانك مليون يالمبدع نص في غاية العذوبه سجل اعجابي وتقديري ولك اجمل تحيه |
ابيات رائعه ومميزه
عبدالله الصقري يسلمو على روعة الابيات شكراً لك |
الصقري
صح الله لسانك مدد بلا عدد ابدعت وامتعت كما تعودنا من سموك الابداع والامتاع والحضور المميز دمت ودام مداد قلمك ورقي حرفك الفاخر تقديري لسموك النجلاء |
صح الله لسانك يالصقري ولافض فوك
مبدع الله يحفظك لاهنت وبيض الله وجهك |
صح لسانك ملايين
ابيات جميله وجزله من شاعر مبدع وجزل يعطيك العافيه تقديري لك |
/
الله الله ع جمال بيت القصيييد سلم احساسك وصح الله لسانك مليوون أبدعت و أمتعت شاعرنـــــــــا لقلبك الــودّ |
| الساعة الآن 04:51 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir