الجنود البواسل
 

السلام عليكم

واسعد الله مساكم


وكل عام وانتم بخير




لو الفخر مخلوق ياناس رجال
اعلن ولاءه للجنود البواسل
شفهم على حدود الوطن مثل الجبال
الراسيه طول السنين الاوائل
من عزمهم تاريخ يبقى للاجيال
مكتوب من دم الشهيد المقاتل
ولا فكرو فالموت في كل االاحوال
اما الشهاده ولا نصر وجزايل
وفيهم صلابه باس والراس مامال
حتى ايش لو شافت عيونه هوايل
ترمي بنادقهم على روس الانذال
لين الجثث صارت دروس التطاول
في قيادة اللي قوله افعال وافعال
سلمان حزم وعزم والراس طايل
واقف للجاره وقفة ارجال لررجال
ورد البرى صاعين و الشك زايل
هذا أخو نوره ومضرب للامثال
وعلم كثير الناس فن التعامل
يادرانا منهو طمع فيك ينهال
اتراب قبره لو يفكر يحاول
ولو الفخر ياناس مخلوق رجال
اعلن ولاءه للجنود البواسل

وعليكم السلام ورحمة الله
وانت بخير وصحه وسلامه .

صح لسانك الى مالا نهايه
و لاهنت على هـ الدرة الرائعة
يستاهلون جنودنا البواسل .
التقييم والنجوم الخمس ولا تفي حرفك الفاخر .

الله الله

صح لسانكـ لين ترضى يالسليمان

قصيده جزله ولاهي غريبه عليكـ

صح لسانك واعتلا شانك
ابيات جميله وجزله
يستاهلون جنودنا البواسل
يعطيك العافيه
تقديري لك

احمد سليمان
صح لسانك مليون يالمبدع
يستاهلون البواسل ويستاهل الوطن
سجل اعجابي وتقديري
ولك اجمل تحيه

وعليكم السلام وانت بالف خير
صح لسانك ولا هنت شاعرنا
يعطيك العافية

صح الله لسانك ملايين شاعرنا
يستاهلون جنودنا الابطال
الله يحفظهم ويحميهم وينصرهم يارب
دمت ودام ابداعك ورقي حرفك الشامخ
تقديري وتقييمي لسموك
النجلاء