|
ياعايش الدنيا على طيش وهبال
مدخل
الحمد للي غرنا ماعطاناه حتى عصينا من غرور وجهاله ماكننا اللي لاتعبنا رجيناه ويسهل الله كل صعبٍ مناله ،، ياعايش الدنيا على طيش وهبال وماضنك ان بيوم تعثى وتشقيك مدري معك حصانةٍ يا اغبر الفال والا انك انت ابليس هو لاعبٍ فيك ومدري علامك يوم تمشي وتختال ماكن بالدنيا بشر من حواليك وتقول انا السيد ونبراس الاجيال وتعذرب العالم وتنسىٰ بلاويك ما كن شفت الموت للخلق شيال واللي جرىٰ للناس لابد بيجيك لابد ياتي يوم ويقال ماطال فيه المكوث وراح لـ الدار هاذييك مير اتقي لله وجهز لك افعال من قبل ما تدفن وتفنى طواريك تبا السعاده في زمانك ولو مال اتبع كلام الله عسىٰ انه ينجـــــيك وكب العمىٰ واعمل لــ آخرك بالحال العافيه ماهي رصيدٍ علىٰ شيك واغنم بوقتك والعمر دام مازال في والدينك عمر عله يقديك #حمد_الحربي |
حمد الحربي
صح لسانك واعتلا شانك ابيات جميله وجزله من شاعر جزل وفخم يعطيك العافيه احترامي لك |
صح لسانكـ
مليووون ولا يكفوووون مبدع يا حمد قصيده جزله ولاهي غريبه عليك |
الله الله
حمد الحربي صح لسانك مليون نص عذب وجميل لا ابعد الحدود ابدعت وامتعت لحد الثماله سجل اعجابي وتقديري ولك اجمل تحيه |
/
صح لسانك مدد بلا عدد قصيدة رائعه وراقيه وجزلة مضمونا ومعنىً لاهنت شاعرنا ولاهان منطوقك |
اقتباس:
كل الود والتقدير لحضورك الراقي |
اقتباس:
سلمت يالامير ولاهنت صح بدنك ولاعليك زود يابعدي |
اقتباس:
صح بدنك يالامير وبيض الله وجهك على هالحضور الطيب المشرف كل والتقدير لك يالامير وحياك الله ملايين |
| الساعة الآن 10:37 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir