|
الــمـــوت
.
مايـرتـقـي ذكْـرِك إذا شيمِتِك أرض ............والأرض خلاّها الصّقِر للدجاجه إن ماعـرفـت شـْناتـج الطول بالعرض .............يلعب فحسْبتْك الزمان بْنعاجه درب ٍ يشرِّف سيرتك فزّ له وامْض ....................حتى ولو انّ المنيّه نتاجه الموت ماهو بس لاوقَّف النبْض ........الموت لو هِبْت الشّرف في مُوَاجه والطـيـب ماتجْني حصيله من البعْض ..........طيبِك معا جدْب المكارم سَذاجه والاّ الاخـو حتـّى لو يْـهـينك فْـغُض .........إن كان ماهو سْراج لك كُن سِراجه والعِرْض تكْفى العِرض لاتْفلِّت العِرض ............كم واحدٍ غيرتْه غيرة خَواجه ...يـِفَـتـِّل فْـشاربـْه ويصلّيِ الفـرض ..........واخْته معَ السّواق .. ماقال حاجه! واليا تجـمّل بـك رَجِل فِـ احْسبه قرض .................سدِّد جميله كلّ ماجا فِحاجه ودون الوطن والدين لاتفْكِّر اِنقَض .............لاترعبك وانت الجدار الزجاجه ثنائي القطب |
ثنائي القطب
صح لسانك واعتلا شانك نص غاضب وشديد اللهجه سجل اعجابي وتقديري ولك اجمل تحيه |
صح لســانك واعتلا شانك ولا هان مقدارك
ابيات جميــله روعه معانيها تحياتي لشخصك ~ |
صح لسانك ثنائي القطب
نص ثائر و جميل |
صح لسانك ولا هنت
يعطيك العافية نص راقي وحياك الله في رواسينا |
صح لسانك واعتلا شانك
ابيات جميله لاهنت يااخوي تقبل مروري وتقديري |
صح الله لسانك ياثنائي القطب
أبدعت وأمتعت وياهلابك ملايين في جنبات رواسي نجد الجمال والإبداع نتمنى لك طيب الإقامة بيننا دمت بهذا التميّز |
صح الله لسانك مدد بلا عدد
ابدعت وامتعت ولاهنت شاعرنا دمت ودام مداد قلمك ورقي حرفك الشامخ تقديري لسموك النجلاء |
| الساعة الآن 04:29 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir