يالي خذيت القلب وشلون يغمرك=
بحرن من الأشواق شبه خرامك
ودي بك وابغاك وابحرك واسمرك=
في مركب احلامي ولذة غرامك
اذوب في ضحكك وهمسك ومرمرك=
وفي بلسمك والشهد واضيع امامك
اطوف بك واسعاك ظلك ومحرمك=
يرقاء معك حد الثريا هيامك
اعيش بك واحياك واموت واعمرك=
واكون لك حلم بداخل منامك
ياوجد حالي يوم غيري يسامرك=
يذبح خفوقن فيه برمج نظامك
ياحرتن ما كل فارس يضمرك=
ياكود حرن وسط كفه لجامك
هذا انا وإن قاله الله لاسمرك=
في حاني ضلوعي واعلي مقامك

مرزوق العتيبي
قرناس الحرار

المشاركة الأصلية كتبت بواسطة محمد الغنامي (المشاركة 482070) قرناس الحرار صح لسانك واعتلا شانك نص عذب وجميل جداً دمت بخير ولاهنت

المشاركة الأصلية كتبت بواسطة محمد فراج (المشاركة 482088) صح لسانكـ مليوووووون ولا يكفوووووووون قصيده جزله ولاهي غريبه عليك