بعض الخلايق قربها مصدر بلا
 

بعض الخلايق قربها مصدر بلا
ودك عن ديارك تشد رحالها
تبعد ولا تذكر أبد بين الملا
وتزيح ذكرى ماضية تبقى لها
ناسٍ تبادلك المحبه والغلى
تمثيل يخفي عنك خبث افعالها
وفي آخر المشهد ترى علم انجلى
المسرحيه بينت أبطالها
من كان في عينك وصل نجمٍ علا
خلاك في حالة أسى يرثى لها
ما تجدي الحكمه مع امثاله ولا
عشرتك بالمعروف رد افضالها
مهما عطيته ترتجي خير و ولا
ذا علته عله شرب فنجالها
لكن عليك الصبر صبر المبتلى
لا تنشغل في كل كلمه قالها
واصل طموحاتك لأحلامك إلى
أن توصل اعلى منزله تسعى لها
وانظر تحت لاقصى مدى نحو الخلا
تلقاه حافي تاه وسط رمالها

http://static2.ealriyadh.com/media/c...154a6aa038.jpg
عايض الميلبي

صح لسان شاعرها
ولا هنت خيال على نقلك

لاهنتِ ملكة ~

الله الله
خيال مطير
صح لسانك ولسان شاعرها
انتقاء جميل وذائقه اجمل
مروري وتقديري
لاهنت

لاهنت أمير ~

يعافيكِ ربي يالغاليه ~