المول ياجعل ماله يا ولد والي=لاصوت جانا ولا فزنا برديه
يالذيب لو تدري امس العصر وش جالي=يحرم عليك العوى في كل داويه
ما كني الا بطل بمسابقة رالي=الدرب ملكي ولي بالمشي حريه
نسيت ساهر بكبره وايتهيالي=اني مسافر على متن السعوديه
طمرت داورد والا انه يورالي=من نادي الوشم واني بالنضاديه
امشي بسرعه جنونيه ولا ابالي=واثر البلاغات بي مع كل دوريه
لين اعترض ضابط امن بجيبه اقبالي=قال:انت وش فيك؟قلت العفو!!وش فيِّه
ياضابط الامن واللي يعلم بحالي=ياروقي انا بحاله لا شعوريه
سرَّحت بمكالمه مع صاحبٍ غالي=من جسر شقراء الى باب البجاديه
اسمع واجاوب ودمع العين همالي=محادثه يابو مشعل غير عاديه
احترت اذني وولع قلب جوالي=وصدري كما دلةٍ من فوق مجذيه
تقول واعزتي لك قلت عزالي=ان كان ضنك ب(الو)تغني عن الجيه
لو مانبشتي جروحي مالك ومالي؟؟=وجدن نفختيه فيها جمرته حيه
تحت رماد البطا واونس لها صالي=قالت وانا اللي بقلبي نسخه اصليه