أنا منوين ماسافر يقابلني كثير أحزان=وبعد الصاحب الغالي بقلبي زود مصيبه
نداري دمعنا الحادر نخفي لوعة الهجران=وفقدك لأقرب الخلان بربي ياهي تعيبه
عيونٍ ساهره هامت بدمعتها مع الأشجان=وترقب في الخفا طيفٍ عسى الأقدارترميبه
أماني ترقص بلهفه تموت بغيبة الخلان=غياب الخل متعبني وجداً حالي صعيبه
نغيب وغابت الدنيا بغالي والزمن خوان=قتل فرحه ذرف دمعه زمان الغدر وشليبه
تعاهدنا على جمع القلوب بساحة الوجدان=وفرقنا الزمان اللي مقصر في مواجيبه
انا شفت الزهر يذبل على جال النهر عطشان=زمان الغدر يلعبه تكدر في مشاريبه
وشفت الهم متسلطن غريب وصار له أوطان=خذا حقه مع حقي وجاير في مطاليبه
عسى حلو الزمن ياتي حقوق وماطرٍ ودان=يفيض في صدور اللي شكت بعده وتجنيبه
وتسعد به قلوبٍ تشتكي حر الضما أزمان=من المنشا صدوق الوبل صامل في مناديبه
واشوف الروض متروي وعشبه مزهرٍ نشوان=واحس الورد في غصنه تراقص زاد ترحيبه
وحن لصوت قمريه تغني أجمل الألحان=على جال النهر تلعا بصوت الحب وتجيبه
مقادير الزمن تاتي من المولا على الانسان=رضينا بالقدر وللي كِتب نرضا ونمشيبه
رحلت بزحمة العالم مجاديفي بلا ربان=مراسينا تجافينا وطول الوقت في ريبه
معَ ألامواج تلعبي نذير ومركبٍ غرقان=اماني تنطفي بلحظه وحلمٍ مات مشفيبه
نناجي في الخفا ربي ندور نعمة النسيان=نبي ننسا مواجعنا بوقتٍ ضاعت الطيبه
أنا برحل مع الذكرى وبعثر لوعة الحرمان=واداري همي بصدري ولوجارت مضاريبه