|
غربة الروح
خذتني الايام مع غربة الروح
ماكن لي عزوه وحولي قرايب ! مدري سبايبها هواجيس وجروح ولا فقيدن تحت عوج النصايب من حر مابي لقبوني على نوح القلب جمره والحنايا لهايب بالوجه حزني بان لو اكتم البوح والفكر بعض احيان حاضر وغايب يروح ويعوّد ف الاحزان مذبوح ويصبر ولو دارت عليه النوايب احدٍ يجي وحد بلا سبه ايروح والوقت محدٍ عالمٍ ويش جايب لو كل واحد عارفن ويش ف اللوح ماينجرف من خلف دنيا العجايب وحدن قطع وصل الرحم وابعد الشوح وحدن على راْسه تطيح المصايب وحدن بجوفه حقد طاغي وذرنوح لو ظاهره يبدي سوات ... السحايب يضحك وهو بالحقد بيّن ومفضوح مير الردي من ماضي الوقت خايب تاريخنا في صفحة المجد مشروح مانلتفت ف اهل الردى و الطلايب حنا ملكنا عز وامجاد وصروح في وقتنا الحاظر وعصر الركايب واللي علينا حقده بجوفه ايفوح من فعلنا مجروح ماهوب طايب لا شاف باب البيت ل الضيف مفتوح يونس بكبده حاميات اللهايب يدريبنا حنا هل الطيب بوضوح في كل ميقافٍ نفك النشايب افعالنا يهرج بها من عصر نوح تشهد لنا الشيخان واهل العصايب وراعي الخطا ماهو مقدر و مسموح ناطاه وطيات الرمك لـ الترايب واللي على الطالات ماهو بطحطوح يطيح قدام النشب و الصعايب وعداد تقليب التفاكير والبوح صلو على سيد البشر والحبايب نوح الحمام بشاير |
لا شاف باب البيت ل الضيف مفتوح
يونس بكبده حاميات اللهايب يدريبنا حنا هل الطيب بوضوح في كل ميقافٍ نفك النشايب صح لسااااانك أختي وبيض الله وجهك ا |
اللهم صل وسلم عليه
الله عليك قلبووووو نص راقي وجميل صح لسااانك ملايييييييييين . |
اقتباس:
والتي انهمرت كما ديم على ارض عطشى شاعرة متمكنة املين ان نصافح جديدك دمتي كما تحبين. عاشق الحماد مر من هنا |
الله الله
نوح الحمام صح لسانك واعتلا شانك ابدعتي وامتعتي شاعرتنا لافظ فوك ولا اللجم لسانك مروري وتقديري لاهنتي |
نوح
صح لسااانكِ مدى الحياة ، رائعه ومعبره وفاخره . لاهنتي .. تقييمي والنجوم الخمس .، |
صح لسانك ملايين
ياسلام ابداع وجزاله قصيده فخمه واكثر من رائعه يعطيك العافيه تقديري لك |
ابداااااااااااع ما شاء الله صح لسانكك الف على هالمفردات
تقديري |
| الساعة الآن 12:20 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir