ياللي رقيت من الشقا
 

ياللـي رقيـت مـن الشقـا عالـي منيـف
عــمــّرد ن مـلــمــوم بــراســـه تــونـــي
تقنـب قنيـب الذيـب بـروس المشاريـف
اخـطـا العـشـا ومـعـه الـولايـف عـونـي
هـات القلـم والـبـوك مــن دون تكلـيـف
واملـي علـى القرطـاس مـا جـاز منـي
القـاف فـي معنـاه منقـى عـن الـزيـف
مـثـل الـزهــر بـفـيـاض ريـحــه يـبـنـي
مجـاراة لبـو عـدوان ريــف المهاجـيـف
الــلـــي عـلــومــه بـالـمـعـانـي زمــنـــي
مـرحـوم يالمنـعـور يــا مـكـرم الضـيـف
يـالـوايـلـي لــــك الـقـوافــي ابـهــرنــي
ذكــرتــنــي بـــأيـــام دور الـمـزاهــيــف
يـــوم انـهــا كـتـبـان ومـقـصـر وقـنــي
يــوم الـنـجـر يـرجـفـه راعـــي الـكـيـف
فــي ربعـتـه مـركــون هـيــل ن وبـنــي
ذكــر المنازل والخباري بتصنيف
يـــوم المـصـايـف والـنــزول اقـطـبـنـي
وايضا الجوازي ساجات ن مع الهيف
هن و الـمـهــا لخـشـوفـهـن يـعـطـفـنـي
وذكــر المنـابـت بالـحـيـا كـلـهـا ريـــف
وذكـــر ام سـالــم بالـفـيـافـي تـغـنــي
يـوم ان بهـا الوسمـي مزونـه مراعيـف
تـلاعـه مــع الشـعـبـان مـنــه ارتـونــي
يتبع
تـرزم رعـوده فــي سمـاهـا قواصـيـف
وبـروقـهـا فـــي ضـوحـهــا يشـعـلـنـي
دارت بــي الافـكـار ودارت تصـانـيـف
وســـط الضمايروالـحـشـا يضـرمـنـي
حـنـيــت حــنـــة حـنــيــن الـهـراجـيــف
لـجــن وسـاجــن وانـطــون وانـحـدنـي
داخـل ضمـيـري يشاتلـنـه عواصـيـف
هــوج العـواصـف بالضـمـيـر لعـبـنـي
فـي مركـب ن بالـمـوج مـالـه مجـاديـف
تـلـعـب بـــه الامـــواج وفـيــه اغـرقـنـي
علـومـهـم يـالـقــرم راحــــت سـوالـيــف
وحــنــا بــذكــر عـلـومـهــم نـرجـهـنــي
هـــذي دورات الــدهــر والـتـصـاريـف
واللي مضـى مـن سنيـن مـا يرجعنـي
يــالادمــي دنــيــاك فـيـهــا تـجـانـيـف
مـــرة تــجــود بـخـيــر ومــــرة تـكـنــي
ومـا ينفـع الانسـان كـثـر التحاسـيـف
ولا يـنـفـعـه لو طال كــثــر الـتـمـنـي
الشاعر:عوض الرويلي


شاعرنا عوض الرويلي من خلال هذه الرائعه اعاد الينا زمن الشعر الجميل والجزل من خلال مفردات قلة وكثير من الشعراء في الوقت الحالي تخلوا عن هذه المفردات مثل مطلع القصيده التي بدأ به شاعرنا عوض (يللي رقيت من الشقا عالي منيف ... وكذلك تقنب قنيب الذيب ... وهات القلم والبوك .... شاعرنا اعاد للاذهان الزمن الجميل لشعر وختمة القصيده انا اعتبره حكمه حينما قال وختمها ماينفع الانسان كثر التحاسيف - ولاينفعه لو طال كثر التمني .. الشاعر عوض الرويلي اطربتنا في هذه الرائعه اشكرك
فرحان الراشد الجبلي

صح لســـــــــــانك
لاهنت يالغاااالي

الله عليك شاعرنا
صح لسانك ملاييييييييييين
ابيات ونص راقي يعطيك العافية
.

الشاعر القدير
عوض الرويلي

صح السانك واعتلا شانك
قصيدة مميزة ك تميز شاعرها واحساسها
لاخلا ولاعدم
تقديري لك واحترامي وتقييمي

صح لسانك ملايين يالرويلي
ابيات جزله وفخمه
من شاعر جزل وفخم
لاهنت يااخوي
تقديري واحترامي لك

خيال مطير:
لا هنت يالمنعور نسل المناعير.. ربعك هل الشومات في راس عالي
خيال علوى ليا انتخوا فيها مطير...يوم القنا والشلف والاجتوالي
تشرفت بمرورك دمت بود.

هماليل:
حي الحروف الشامخة يا هماليل...انشهد انك وافية بالتعابير
نشميةٍ صاغت جزيل التماثيل...مثل العسل او فوح زهر النواوير

تشرفت بروعة المرور وتقبلي احترامي وتقديري.