|
يا قو قلبك
إستشارني أخ عزيز جدا في مسأله خاصه
و مهمّه جدا .. ولم تقنعه مشورتي فماكان منه الاّ أن قاطعني لدرجة لايتصوَّرها أحد .... . . فكانت هذه الأبيات . . . . يا قوّ قلبك لا تنـاسى و زَعَل و اقفى و عن شوفي تباعد مداه ما الوم .. لكن ما هقيته رحل واغناك حتى عن فروض الصلاه خابرك معذور ٍ ولا بك زلل ومالك على ترويض قلبك جداه مثلي ولكن ماصرفته هلل أطيع قلبي مير ماني فداه ذكّرتني من لهفتك للغزل بالحب و آهآته و أوّل مهاه عوّدت بي للهاجس اللي همل أصدق تعابيره بـ ماه و دماه بلاك ماتدري بسهم ٍ نزل في خافق ٍ ما عذّب اللي رماه شي ٍ على التوصيف ما هو سهل يجمع من الماضي لجرحي عزاه قلب ٍ على مدماة شوقه سدل واخفى عذابه لين ما بهواه من غالي ٍ له في ضميري محل لا مالقاه المغرم و لا نساه اللي ذبحني فيه طبع الخجل حين استمال و هامستني شفاه هو مترف ٍ بالحسن ماله مثل من رقّته حسّيت موتي نجاه أثر المحبّه موت ٍ بلا مهل في كل حين تجرِّع الصبّ آه ياما غشاني من فراقه وجل واغليت في غبّ المحاجر سناه مستقبلي أرسيته مْن الأزل لعيونه وما نلت مرّه دفاه راح و تركني فوق ذاك الجبل أنقش حكاية حبّنا في حصاه واعيش وحدي بلا حبايب و اهل ولا منزلٍ غير المسا في خلاه لاشك بالفكر المتيّم خلل والقلب ماظنّيت يعشق سواه أبغاه لكن لو حصل .. ما حصل والله يصرِّفنا على ما يراه ياصاحبي ما قلتها لك هزل هي قصِّتي و الجرح لبًّى صداه صوت ٍ على ونّات شعري حمل معنى الألم و الهمّ للي قراه في مرتع ٍ خايلته احلى نهل و اثْره يغثرب كل صافي صفاه في غبّ صدري لابس ٍ له حلل من جوهر ٍ وصله بقايا جفاه و اقول : ما عذّبني الاّ الجهل حين استباح العمر كلّه وراه يموت فيني كل لحظه أمل والذكريات تزيد فيني لظاه وان بان بالصفحات لا ما اكتمل الهاجس الباقي يداري غلاه والمشكله مادام فيها جدل كل ٍ على مسراه يلقى جزاه نصيحتي لاصار مالك بدل عنها ولا لك من بَعَدْهَا غناه شاور حكيم ولا تشاور خَبَل ما من تصاريف المولَّع هناه من سار في درب السلامه وصل ومن هان ساسه ما تعلاّ بناه ومن لاتوقّع.. لو بدى له شِكَل مرحوم قبل الموت ياخذ مناه مايولج بـ سـمّ الخياط الجمل وما كلّ ينبوع ٍ يطيب اِلْك ماه الليل يسبي ما عطاك بـ عَجَل واللي يذوق البرد يبكي عباه و مادام طبَّك في مرير العسل خايف تصير اللي بـ كحله عماه والاّ العمي لو كان شوفه خذل يميِّز بقلبه مواطيء خطاه واذا رضينا منك سوء العمل لاواحسافه كان عقلك رضاه خل الجهل و لكل علم ٍ أجل وما كل ما نسقيه يحلى جناه جرحك سبايبه الفراغ و ملل والقلب يحييه الأمل بالأناه آسف إذاه مْن الحقيقه زعل و اقفى وعن شوفي تباعد مداه |
الله الله
عبد الله الصقري صح لسانك واعتلا شانك عذب ومبدع شاعرنا الراقي سجل اعجابي وتقديدي ولك اجمل تحيه |
الله الله
صح الله لسانك مدد بلا عددعلى هالمعلقه مبدع وجزل وشهادتي فيك مجروحه شاعرنا دمت ودام مداد قلمك ورقي حرفك الشامخ تقديري لسموك النجلاء |
الله الله
صح لسانكـ يالصقري وعتلا شانكـ قصيده جزله ولاهي غريبه عليكـ |
الله عليك شاعرنا
ابيات متميزه ونص راقي برقيك صح لسانك ولا هنت . |
صحٍ لسانكـٍ سِلٌمت أنامِلكُ على هذا الكلمات الرِاقٍيه ,, عَسَـاَك عَالـقٌوةَ وَ مَاَ ننـحِرم مِن ابداعك ,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ، تقبل مروري المتواضع كل الاحترام والود |
روعة الحرف تعانق سمو المعنى
لتستلهم من جمال الكلمه قصة ابداع صح لسانك مليون ولا يكفون تشرفت بقرائتي لقصيدتك الرائعه وبيض الله وجهك على اتحافك الجزل تحياتي وتقديري لشخصك الكريم |
الله الله ابداع وجزاله
صح لسانك ملايين ابيات جزله وجميله يعطيك العافيه اخوي تقديري لك |
| الساعة الآن 07:00 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir