بعض الاوادم غيبته ما أقبلها... وبعض الاوادم ما اقبله لو جاني
 

السلام عليكم يسعد صباحكم ال الرواسي


احلى تحيات الصباح أرسلها

يسعد صباح اخواتي واخواني

ما تقطف من الورد غير أجملها

ولا تعزف الا اجمل الالحاني

جتك القصيده زاهيه بحللها

وطاري الغياب اللي طرى أذاني

بعض الاوادم غيبته مأقبلها

وبعض الاوادم ما اقبله لو جاني

وبعض الاوادم امة باكملها

ما تجبر غيابه ولو ثواني

واليوم ابعطي نبذه وفصلها

ممزوجة بالمسك والريحاني

تزهى مقام الي نويت أسألها

مير البلا عيا يطيع لساني

شيهانة فوق الجبل منزلها

يسقي دياره ماطر وداني

رحلة حياتي كل ما أعدلها

يميل وقتي ميلة الاغصاني

عقب الهنوف اللي على ساحلها

الموج اغرق مركب الرباني

من ينقذه من ساحله دام الها

الشوق يجري داخل الشرياني

النفس له ساحه وله مدهلها

واشواقها صارت كما البستاني

اقطف زهرها دام نفسك ولها

ولا يردك غير كف حاني

واليا بدا ليل القصيد أكملها

بالمبسم اللي يروي العطشاني

انتي قصيده غضه من أولها

والبيت الاول غار منه الثاني

ترى القصيده اسمك يجملها

وافخربها لكن ترى الانساني

ما يقبل اللي لا انسجم يهملها

ويحطها في عالم النسياني

ولعيون من جتني تصوغ حللها

لا جول بالميدان يا حميداني

وان ما ملكت اغلى البشر واجملها

احسن لي اكمل عيشتي وحداني

وسلامتكم

الله الله
سجين الرواسي
ياهلا والله وغلا بالابداع وراعيه
صح لسانك واعتلا شانك
نص فخم كالعاده
سجل اعجابي
وتقديري
لاهنت

سجين الرواسي رائعه من روائعك
صح لسانك ولا فض فوك
لاهنت وبيض الله وجهك

الله الله عليك سجين
نص جميل وراقي برقي تواجدك
يعطيك العافية
واخر الغيبات

صح لسانك ملايين سجين ولا يستغرب الابداع من اهله لاهنت ...