|
ثلاث شهور !
تعريفيه لمن لا يعرف :)
وتقبلوها كما هي .. سرى الليل مابّين بعيني شعاع النور سرى الليل والملتاع كابد معاناته يلف الرحى من قو عزم الرحى ويدور واذا دارت افكار النبط دارت ابياته مضى لي مع التفكير يمكن ثلاث شهور مصيبه اذا ان العقل طوّل به سكاته بعلّم لو اني معْك مانيب انا مجبور على شان تعرف من تكلّم وميزاته انا انسان مادوّر رضاء الناس والجمهور وانا انسان يبدع لا اهتوى في مجالاته وانا انسان مايشهد ليا عوّدت للزور يجنّب دورب الذنب من طيب نياته وانا انسان ماحط التقاليد فوق السور وانا انسان متمسّك بطيبه وعاداته وانا انسان واضح لابدى للمنافق دور وانا انسان من يقفّي بسوي به سواته وانا انسان ماجامل لا باحت كثير صدور من السهل وقت الجد يقطع علاقاته وانا انسان لاحلّ التواضع يجي مغمور يسامح خطأ غيره .. وينسى لما فاته وانا انسان يقنع لا تقدّم له الميسور وانا انسان حب الغش ماهو من اصفاته وانا انسان مادوّر لقب شاعراً مشهور وانا انسان شعره منْه ويعودّ لذاته وانا انسان ماحب التغطرس ولا مغرور وانا انسان يزْعل لا نوى في حركاته م ازكّي على الله بس هذا هو المذكور وعسى من هقى بالطيب انا عند هقواته |
تعريف أنيق جداً
في قالب شعري مميز ثقافة شعرية عالية وانتقاء جميل للمفردة راقني هذا الجمال الآسر والذكاء الكتابي تقديري لسموك وفخامة حرفك |
صح لسانك ,
|
صح لسانك ملاااااااايين
نص جميل وراقي يعطيك العافية |
تعريف رائع
والنعم فيك سامي وصح لسانك ويعطيك العافيه على هالرائعه |
الله الله
صح الساااانك اخوي على هالابيات الكايفه ولاهنت يالجزل .. |
صح لسانك يا سامي ونعم منك ومن ربعك
نصوصك جميله وشعرك قيم تقديري |
سامي الغنامي
الله عليك يابطل صح لسانك مدد بلا عدد تعريف جميل وانت غني عن التعريف جزل ومبدع وشهادتي فيك مجروحه سجل اعجابي وتقديري يسبقه ختم التميز والتقييم |
| الساعة الآن 08:32 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir