شبكة رواسي نجد الأدبية - نفيتني مـــن وطـــن قـلبك وانـــا ضـامي

يـ اخـوي يامعـنـزي فـ الضيق وحزامي
بعض السوالـيـف منها خـافقي ضاقي

قاسي ليا شـان وقـتـي والـحـزن قامي
ضحكة قـلـبٍ لـطـعـم الضحك ما ذاقي

يـا تــل قــلــبــي لـيـا طــــروه قــــدامي
ينقض جروحــي ويشعل نار الإشواقي

اسـمـه يـروع خـفـوقٍ شــاف الاعدامي
اهـون مـن الـنـفي يـ الله ترحم الشاقي

مـا غير اهـوجـــس وربـي يـعـلـم إلامي
الـواحـــد اللـــي تـعـلا سـبـع الاطباقي

إرثي خفوقي بـعـد مــن سبب احطامي
اللـي نـفـاني وخـيـب هــقــوت الـهـاقـي

من قـلـبـه اللـي سـكـنته خمسة أعوامي
مـوثـقـه فـــي كـتـاب الــحــب بـ اوراقي

واوجد قـلـبـي عـلـى اللـي يملك احلامي
احـلـم بـشـوفــه وانـا لــه مـانـي بـ لاقي

من عام والقلب مـن هجر الغضي دامي
مشـتـاق والشوق وســط الصدر حراقي

يا طير يـ اللي علـى دار الغضي حامي
عـــطـنـي عـلـومــه وقـلـه زادت اعـــواقي

قله خـفـوقـــي بـ حـبـه مـــا بـعـد سامي
وافي لـحـبـه وانـا مــا خــنــت مـيـثـاقي

يا طير وان كـان طـرف الـزيـن مـا نامي
قـلـه مـــن الـعـيـن دمــع الـشـوق دفاقي

محكوم بـ الهجر لكن مـا اعـرف اجرامي
ويــن الـعـدالـــه يـا نـبـض وروح خفاقي

نفيتني مـــن وطـــن قـلبك وانـــا ضـامي
ما ارويت من مـزن حبك وانت لي ساقي

جـيتـك وانـا ضــامـيـن واقفيت منضامي
مـنـضــام والـقـلــب مـن فـرقــاك منعاقي

بـخـيـل بـ الـحــب مـا اتكرمـت بـ إكرامي
شـحـيـت بـ الـحــب واتحزمــت بـ افراقي

عــزاي بـ اللـــــي لـجـرح الـقـلـب عــلامـي
هـو وحـده اللـي عــرف كـم كـثـر مشتاقي

وصـيـتـي يـا عـشــيــري عـبـر الاعـــلامي
تسمع صدى صــوت مـن للهجر مـا طاقي

لــن جــــاك غـيـري لـحـبـك خـافـقـه رامـي
شــرواي دايـــــم عـلـى الـجـزلات سـبـاقي

ورضـيـت حـبـه وهــــو بـك هـايـم اهـيـامي
لا تـهـجـره وارحـــمــه يــرحـــمـــكّ خــلاقي

الشاعر بشير العتيبي