امس العصر في حلم مدري علم مدري في خيال=مواقفٍ مرت عليه كلها في ثانيه
مولات واصوات وبشر واطفال وابراجٍ طوال=وانا من البوابه الاولى ركض للثانيه
احرقت كرت الصبر والجوال ورجال المجال=واحرقت في روحي من التفكير والدخانيه
من كثر مافيني من الاشواق يالربع احتمال=اطير لو اني بشر ولامعي جنحانيه
لين اقبلت يمي تسوق الرجل باهيت الجمال=بسم الله وتخزى عيون الانس والشطانيه
العين عين اشقر وحش مرباه في روس الجبال=والخد كنه وردتينٍ حمر في بستانيه
الرمش مثل رماح قومٍ صافه للاقتتال=والعنق عنق القايده للريم والغزلانيه
قالت محمد قلت يالبيه قالت لي تعال=ومدت يميناً دوبها من ربع ساعه حانيه
كنت اتحرص واطرد الشيطان لايلقئ مجال=لاكن من اللي يقدر يصحيك يالحلمانيه
ماغيرها شخصٍ يجاوبني على هذا السوال=هو علم ولا حلم والاحلام بالمجانيه
بس الوكاد ان المحال يصير لو اسمه محال=بمر الله المعبود رب الجن والانسانيه