يا قلب فضفض على الاوراق واكتب له
أبيات ,, يمكن يجي صدفه .. ويقراها

انزف من إحساسك الصادق ورتب له
فوضى مشاعر .. محبه .. ضاع معناها

سيّل حروف الوله والشوق واسكب له
من دلتك ,, لين .. عينه .. ينتثر ماها

تراه متجاهل .. أوجاعك .. وطايب له
ما يدري انه ملك دنياك وأفناها ..!

ما وفّر إلا جروح ,,, وكبد مندبله
وآهات تملا الفضا .. و الضيق يملاها

جفت غصون المحبه في رجا وبله
من يوم لمّ الثمر ما مر وأسقاها

واليوم يا قلب جانا البرد واحطب له
ما من يباس المحبه .. غير ذكراها

انثر مشاعر غلا على طرف حبله
وان كان ما لمها خلاص .. ما ابغاها

ما عاد فيني أفكر فيه .. وارقب له
لو قمت أعيد السوالف ..وآتطراها

ما أبيه يقرا القصيد بدون يحسب له
أبيه يقرا [ الحقيقه ] يوم .. يلقاها !

وأبي يحس إني اصدق قلب يكذب له
اشهد معه ضد نفسي ,, وآتبلاها

وأبي يحس إني أكثر من تعذب له
وأبي يحس ابـ عنا نفسي وما جاها

ما بعد قلبه .. سكن قلبي و لا قبله
لا همني مع رضاه .. الناس و رضاها

هو اكثر انسان .. يجرحني .. و انا اهرب له
و عيوني أوفى العيون .. وغدره أبكاها

راقت لي.. شموخه