تحدني نفسي علي الهون وتخيب=وأحدها للطيب غصبن وطرقا
مهما سنين العمر هزل ومجاديب=والهم يكوي ميسمه ويتعرقا
طبعن لنا نبدي برووس المراقيب=ونشمخ بهامتنا علي كل برقا
واللي جعل بالخلق فرق وتراتيب=ومن حكمته خلا السما فوق زرقا
ان الردي دربه نجنبه تجنيب=لو هو ملك في القاع غربن وشرقا
ما حن نبدل بالثعل خوة الذيب=معه معه للرجم نصعد ونرقا
صديقنا الوافي نجآزيه بالطيب=ولا العدو بالنار نحرقه حرقا
حن والنشاما مثل ضيف ومعازيب=شجرة وفاء بالعز تخضر وورقا
علي النقي والصدق شبنا وبنشيب=الين داعي الموت يقبل بفرقا