سلامي سلام(ن) خالي من العذاريب=يكمّل مطاليبه بعزّ وشجاعه
ياغازي ترى الميعاد روس المراقيب=تحزّم وقلبك لا يجي فيه راعه

هلا مرحبا ترحيب من ذيب ياذيب = يعشيك في ليلً كثيرن جياعه
وصلنا المراقيب وعملنا المواجيب = عسى تلحق العراف من بعد ساعه

يدوم البقا يامكثرين التراحيب=واظّن السباعه ماتعشى السباعه
يازين البنادق لو تصيب المضاريب = من القوم لاتقطف نسمك السراعه

زعيم الذيابه هو كثير الاقانيب = ومن لاقنب اكيد مرخي خناعه
تخون البنادق بالرصاص المكاذيب = يراع البضاعه لاتبيع البضاعه

حكيم الرجال يحسب تال العواقيب=ولايرمي الكلمه ويرفع ذراعه
ياغازي ترى الدنيا حضوظ وتجاريب=تذّم الصناعه وانت راع الصناعه

تبا العلم ماذميت ناسن اصاحيب = لكن احسن الك اتقول سمعن وطاعه
انا خابرك توفي جميع المطاليب = وراع الصناعه عاكسين انطباعه

ترى الشمس تطلع فوقك اليوم وتغيب=ونفسك من الايام فيها طماعه
قبل لا تشب النار شوف المشاهيب=ولاعندنا رحمه لراع اللكاعه