![]() |
بين الحنايا
قال من بين الحنايا جال همه=من لهيبن بالحشا يشعل اشعالي من كثر ضيقه تزايد ضغط دمه=من صواديف الزمن ماهو بسالي عزي لقلبن بلي لايام خمه=حظ من قلبه من الاوجاع خالي والسبب وقتن جلب حزنه وغمه=عزي لحاله وياعزي لحالي اشهد ان تالي الزمن جاب المطمه=انقلب حاله وصايبه اختلالي به تسيد كل مفرودن من امه=وشاخت ضباع الخلا به والثعالي والردي كبر علي راسه معمه=وعد نفسه من مداغيش العيالي والمراجل كايده بيرن وجمه=منهلن ما ناشه قصار الحبالي الصقر طبعه يتوق لكل قمه=رف جنحانه وحوم بالعلالي من طمان القاع له شومه وزمه=ماكر في كل رجم وراس عالي والكفو للعز به عزمن وهمه=ما توطي هامته سود الليالي يوم هافي الحيل خاب ومايهمه=غير هرجن بالقفا قاالت وقالي شغلته بين العرب نقال نمه=مثله وشرواه جعله للزوالي وانت ياللي متجه من غير يمه=خاب منهاجك وغااشيه الظلالي اختلف علمك وضيعت المهمه=وهيفت شمسك ودنت للزواالي عيبك ان مابك ضمير ولا اي ذمه=نيتك سودا وللهزله مواالي والوجيه اللي تباري لك مرمه=ماتفرق في الحرام وفي الحلالي جعل ناب الداب فيك يبث سمه=ويتمثني منحرك حدب السلالي مجلسن جاء للهلايم فيه لمه=من عقب مايجمع زحول الرجالي ذا زمانن بدل الفتحه بضمه=كل علمن فيه يدرج بالريالي كم رفع بالمال جلحوطن ورمه=مثله اول ما تصب له الدلالي ما بقي غير اختم لقافي واتمه=والسلام ختام هرجي والمقالي |
الله الله
حمد بن سايمه صح لسانك مليون ولايسدون نص فاخر وفخم لا ابعد الحدود سجل مروري واعجابي ولك اجمل تحيه لاهنت |
صح لسانك ،،
|
الله الله الله
نص فاخر .. يزخر بالإبدااع صح لسااانك ملااايين حمد بن سايمه ... تقبل مروري وتحياااتي ريوف |
صح الله لسانك يابن سايمه
ابدعت وامتعت ولا هنت شاعرنا دمت ودام مد قلمك ورقي حرفك الفاخر تقديري لسموك النجلاء |
صح لسآنك
ويعطيك العافيه على هالرااائعه |
صح لسانك ودام نبضك
كلمات راقيه برقي حضورك لا هنت حمد |
صح لسسانك ي بطل
مبدع تحياااتي الك |
| الساعة الآن 01:05 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir