يابوي
 

يابوي ليتك حيّ وتشوف حالي
تشوف وش هو صار من بعد فرقاك



صار الوطن بعدك من الناس خالي
صار... ( الوطن غربه ) بعد مافقدناك



يابوي أنا بعدّك سهير الليالي
مقهور من دنيّاي منّا.... ومنّاك !



حدتني الدنيا وأنا راس مالي
إني ... عزيز النفس . مثلك وشرواك



مافيه شيٍ في حياتي صفالي
حتى . الورود . إن جيتها صارت أشواك



أطيح واحمولي عليّه إثقالي
وأتخيلك مديت لي كف , يمناك



بعدّك ولامره ترى إرتاح بالي
أصفّق على كفي ندم وآتحراك



من ضيقتي ياكّم أصّدق خيالي
وأقوم أدوّر عنّك وآقول ب القاك



أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟



أدري لو إنك حي ياعز غالي
يمديك.. تفزع قبل.. ماجيك وانخاك !!



ويلاه , ياحالي وماهو جرالي
ويلاه , ياقلبٍ تعذب في طرياك




ويلاه , يابويّه من اول وتالي
لا...... والله.. أول.. كان.. ينجيني
واليوم من بعدك وش اللي بقالي
غير إني أدعي ربي يغفر خطاياك



يالله حطّه وسط منزال عالي
في جنة الفردوس يارب الافلاك



واغفر ذنوبه ياعزيز الجلالي
وشرح لي صدرٍ ضااااااق من جّور دنياك



راقةة

اااااااااااااه
خيال جات على الجرح
اي والله ليته حي ويشوف حالي
ابكتني وخااالقي كلماتك
يعطيك العااافيه
.

خيال مطير
صح منقوولك وهذه القصيده المرثيه تجدد مواجع الناس الذين فقدووا

ابوانهم وانا واحد منهم لوو الحال طيب لكن من فقد والده لابد مايتذكر بعض

الامور التى مضت له بالماضي

حقيقه القصيده حزينه جدا وسبق ان سمعتهاا شيله

لاهنت خيال مطير

خيال مطير
صح لسانك ولسان شاعرها
قصيده مؤلمه فعلاً
دمت بخير

صح نقلك وصح لسان شاعرها
مؤلم هو الفقد وخالقي
اللهم اطل بعمر أبي
وابائكم وأرحم من مات منهم



لاهنت ايها المبدع

الله يرحم أمي واأبوي برحمته
ويرحم أموات ألمسلمين
مشكورين وبيض الله وجيييهكم ,

الله يعاافيكِ يالشامخــةة
ألف شكر ع ألمرور
احترامي لسموك ~